[6. April 1570] Die 6. Aprilis accepi ab excelso regimine cujusdam captivi Georgii Rämbler supplicationem [fol. 158r] petentis inspectionem suae valetudinis. Cui inscriptum erat hoc decretum:366

Der Facultet Medicorum mit Zuestellung zu bevelhen, das sy ain, zwo taugliche Personen aus Ierem Mittl verordnen, welche sich zu dem Rämbler verfuegen, sehen und warnemen ob und was er für schwachaiten hab und wie Im zu helffen, volgents dessen der Regierung berichten.367

Quare cum antea alii similes visitationes sustinuissent nomine facultatis hoc negotium clarissimis D. Doctoribus Andreas Dadio et Michaeli Lingelio imposui, decreto regiminis ad illos transmisso, qui statim visitarunt illum captivum et prout compererunt informationem de valetudine ejus excelso regimini tradiderunt.

Hisce diebus Andreas Charopus (de cujus exclusione supra in decanatu D. Fabricii) cum discipulis suis in Italiam abiturus, petiit a consistorio testimonium publicum.

Contra quam petitionem protestata est facultas nostra; non habere eam locum, nisi prius transactioni regiminis inter facultatem et ipsum conscriptae et confirmatae omnino satisfaciat, comparendo scilicet coram facultate, inscriptionem nominis sui rursus petendo et obedientiam ac reverentiam facultati denuo promittendo. Quod cum Charopo a magnifico domino rectore injunctum esset, ut praestaret, ille adeo pertinax fuit, ut citius testimonium deseruerit [fol. 158v] quam ut promissis et transactioni satisfaceret. Idque memoriae causa facultas in acta inseri jussit.

Ad praesentationem nostram, qua Dominum D. Andream Dadium pro futuro magistro sanitatis excelso regimini et camerae Austriacae commendavimus, accepimus hoc decretum:368