Universitätsarchiv Wien, UAW Cod. Med 1.4 AFM 1558-1605
[2. März 1584] 2. Martii. Accepi supplicationem Mag. Georgii Maspachii Lipsensis medicinae studiosi et pro tempore praeceptoris filii generosi domini ab Hoffkirch pie nuper defuncti, petentis a facultate medica testimonium auditarum lectionum, quod ei facultas minime denegare voluit, sed cum sigillo facultatis impresso ipsi benevole communicavit.
Idem magister dabat nomen suum facultati inscribendum numerabat 4 sol. pedello, sua sponte quartam partem Joachimici donabat. [fol. 277r]
Eodem die Antonius Robitz pharmacopola Viennensis petiit a collegio medico libello supplici, ut Mithridatum in sua officina ante menses X dispensatum, facultas medica aperire et vendere permitteret. Sed quia annuum spatium nondum elapsum erat, conclusum fuit, ut ad Majum mensem ejus venditio differretur, interea nihilominus consuetis temporibus agitaretur.
Eodem quoque die petii ego Diomedes Cornarius doctor a facultate medica, ut mihi doctoratus mei testimoniales literae praeberentur, cui meae petitioni omnes medicae facultatis doctores unanimiter satisfaciendum derceverunt, quibus literis sequens dominus decanus D. Benedictus Perger subscripsit et facultatis sigillo confirmavit.
- Acta Facultatis Medicae Universitatis Vindobonensis Vol. 4, Leopold Senfelder, 1908
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
