[30. Oktober 1589] Die 30. mensis Octobris anni 89 magnificum virum dominum Michaelem Eham J. U. D. sacrae caesareae majestatis excelsi regiminis consiliarium facultatis nostrae nomine conveni pro indilata expeditione commissionis in causa pharmacopaeorum institi qui respondit: ejus rei gratia sacrum regimen denuo aliquando admonendum esse scripto ut ipsi et aliis ad hoc negotium tractandum deputatis commissariis qui sunt D. D. Joannes Ambrosius Brassicanus et secretarius Dyonisius Pezolt de novo iterum injungatur quo facto cum non sit tam privatum quam publicum in communem reipublicae commodum cedens negotium se perlubenter hanc causam prima quaque occasione expedire velle.

Feci etiam apud eundem mentionem Wendel Juden et aliorum similis farinae carnificum vicissim intellexi: Generosum dominum N. Seyfridt Preiner locumtenentem saepissime hujus querelae nostrae meminisse summa cum admiratione quod ista omnia tamquam pestis reipublicae silentio involvantur et non quam primum scripto digno sacro regimini proponantur neque enim excelsum regimen sublevatione talium gravaminum nobis hac in parte opem suam denegaturum esse.