[22. Oktober 1590] XXII. Octobris. Ultima congregatione in deliberationem propositum fuit magnifici domini rectoris ac superintendentis caesarei ad facultatem transmissum decretum cujus quaestio erat an reverendissimus archigymnasii Viennensis cancellarius dominus Melchior Kleselius citra praejudicii suspicionem in decanum facultatis theologicae possit eligi recipique.

Quam quaestionem inclyta facultas medica perpensis undique circumstantiis ita decidit:

I. Decretum hoc non ab integro venerabili consistorio universaliter esse profectum sed solummodo privatim a magnifico domino rectore ac superintendente caesareo.

II. Inveniri exemplum Doctoris Pontanori618 simile.

III. Non doceri causas evidentes contrarii. Imo si ipse dominus reverendissimus non decreto sed lubens accipiat non denegandum nec impediendum hoc honore.

Ultimum cum maxima viri hujus reverendissimi sit authoritas aliasque nostro collegio nonnihil succenseat periculosum fore nostra hac in re ipsi adversa proferre vota magnamque inde litis occasionem iri concitatum. Quam resolutionem scripto quidem debuissem remittere magnifico domino rectori sed cum tempus et rectoratus et decanatus esset prolapsum intermisi. Sufficit annotasse.619

Deinde cum instaret tempus repetitionis D. Biverelli isque antevertere videretur actum promotionis domini Mag. Christophori Burgeri petiit Burgerus locum suum in facultate sibi praeservari quod facultas similibus adducta exemplis benigne annuit. Protrahebatur enim promotio non candidati sed reverendissimi capellani occupationibus variis impediti culpa.

De Judaeo Wendel:

Poro ad Judaeum quod attinet cum impurus ille Ebraeus antecessoribus meis clarissimis sat molestiorem exhibuerit hactenus non minus etiam meo decanatui. Negotium enim illud ita pendens et sub judice haerens ad me quoque pervenit. In cujus dramate seu actu post varias consultationes, conclusiones, supplicationes, inquisitiones, sollicitationes, executiones ab excelso regimine postremum tandem extorsi decretum tali forma et verbis scriptum: [fol. 325v]620