[25. Oktober 1590] Anno 1590 nato salvatore mundi mense Octobris die 25. rectoratu clarissimi domini Andreae Isingii Nisseni medicinae doctoris et graecae linguae professoris electus est in decanum collegii medici Thomas Haustein illustrissimi archiducis Caroli Austriae piae memoriae623 consiliarius necnon relictae viduae illustrissimae archiducessae dominae dominae Mariae ducis utriusque Bavariae etc. medicus et senior in cujus decanatu sequentia peracta.

I. Primo a nobili et clarissimo domino Benedicto Pergero medicinae doctore et aurei montis superintendente624 elegantissima praemissa declamatione (ut Galenus loquitur) de suppellectili artis medicae eaque ad promovendum doctorem accommodata optimum juvenem Mag. Christophorum Burgerum professorem mathematicum et licentiatum medicae artis promotum in consessu amplissimo senatorii ordinis ecclesiastici sacri regiminis utriusque reipublicae literariae et vie625 necnon honesta corona nobilia et tenerae aetatis magna cum admiratione in doctorem solennibus ceremoniis promottis et corona doctorali authoritate archigymnasii collegii publicatus et pronunciatus est tandem pro more depositis deponendis collegii medici civis factus.

II. Tum temporis magnifici domini rectoris domini Andreae Isingii germanus et frater clarissimus vir Martinus Isingius medicinae doctor et professor testimoniis doctoreae suae laureae Patavii donatae cum supplici libello ut per viam repetitionis etiam medicae facultatis hujus archigymnasii civis fieret propositis: deposita consueta numeranda pecunia designatum est punctum626 disputandum sectionis I. aphorismum 24. quod sorte accepit et 14. Januarii anni 91. thesibus illustratum cum laude tum honore facultatis opponentibus clarissimis doctoribus respondit tandem etiam pro more civis collegii ascriptus. [fol. 327v]

Examinati quoque sunt in praesentia clarissimorum dominorum doctorum sequentes balneatores et unus chirurgus cum suis debitis instrumentis visis et. punctis examinandis: