[6. Mai 1591] Hoc tempore nimirum 6 Maii clariss. D. D. Martinus Isingius medicinae professor in magistrum sanitatis accipiendum regimini est commendatus acceptus et approbatus. [fol. 330v]

Hoc tempore reverendi patres societatis Jesu Grecenses illustrissimo archiduci supplicem libellum obtulerunt quo petunt suos magistros doctores studiosos in academia promotos ab archigymnasio Viennensi aequali authoritate emolumentis complecti et foveri cum eorum academia non solum a summo pontifice sed imperatoria etiam majestate et sanctae memoriae a Carolo archiduce tamquam fundatore institutore eo sit privilegiis confirmata.

Cum itaque illustrissimo decreto ad venerabile consistorium is libellus deinde ad nostram facultatem pro informatione esset transmissum facultas praemissa matura deliberatione ut sequitur venerabili consistorio esse respondendum unanimi consensu est conclusum:

Magnifice domine rector venerabile consistorium etc.

Reverendorum patrum societatis Jesu collegii archiducalis Grecensis Styriae inscripto vestrae magnificentiae decreto supplicem libellum observanter accepimus perlegimus atque fideliter deliberavimus et sic pro brevibus respondemus.

Primo in nullam controversiam nos ducimus nec aliter nobis persuademus quin collegium Grecense a pontifice maximo et Caesarea Majestate nec non a fundatore sanctae memoriae Carolo archiduce amplissimis privilegiis sit donatum. Imo congratulamur ad communia studia rebuspublicis admodum necessaria conservanda tantos extare nutrire et patronos eosque humilima et debita observantui complectendos et statuta [fol. 331r] servanda et colenda. Verumtamen dum ex supplici libello non videre an praedictum collegium universitatis habeat privilegia hoc est quarumcunque facultatum doctores et magistros creandi in eorum petitum minime potest consentire. Secundo quod facultati medicae aliter non constet quam hanc societatem Jesu solius theologiae studio incumbere et teneram juventutem principia humaniorum literarum tradere et docere nec obtinere635 ulteriora privilegia quapropter etiam demirari quod hactenus illis fuit inusitatum et non nisi seculari magistratui usurpatum nunc impetrare conentur et ideo ad pristinam et veterem consuetudinem reverendos patres retinendam observanter esse monendos.

Haec. facultas vestrae magnificentiae salva sententui respondendum duxit.

Transmissum facultati medicae consilium D. D. Joannis Obendorfferi medici procerum Styriae valetudinem concernens reverendissimi principis et episcopi Passaviensis cancellarii ut exinde rimatis singulis accidentibus doloribus et morbis salubre et expertum remedium praefato cancellario daretur quod conclusum et primo a d. doctoribus et professoribus D. Binello primario Martino Isingio secundario professore est conceptum deinde a tota facultate recognitum et adprobatum ac cancellario aegro subsignatum transmissum.

Examinati:

Paulus Leitmayr studiosus medicinae pro gradu baccalaureatus consequendo examinatus adposite examinatoribus respondit et authoritate facultatis per me baccalaureus est cognitus et proclamatus. Numeravit numeranda.

Idem praeside D. Georgio Mosbachio paulo ante nempe publice disputarat apte respondendo.636 [fol. 331v]

Martinus balneator 23. Julii in praesentia clarissimorum D Diomedis Cornarii, Anthonii Binelli, Georgii Mosbachi, Martini Isingii examinatus bene respondit et adprobratus numeravit numeranda.

Hans Sturm balneator in hohenprun a generoso suo domino Julio commendatus in praesentia D. D. Cornarii Isingii utriusque Binelli Mosbachi est examinatus sed frigide respondit commendatione tamen sui generosi domini cum severa cohortatione et data fide manu stipulata ut quod deesset diligenti lectione resarciret est adprobatus et exolvit solvenda.

Disputationes sequentes celebratae:637

Inscriptus autem est Petrus Magnus medicinae doctor.

Percepta:

Pro inscriptione D. Petri Magni 1 flor.,

Paulus Leitnmayr numeravit 4 sol.

a duobus balneatoribus 6 flor.

restantiam superioris decanatus 9638 flor.

Tota summa facit: 20 flor. 13 cruc. [fol. 332r]

Exposita:

Pedello suum solarium consuetum 2 flor. 20 cruc.

ad cancellariam pro decretis in causa Judei et executione 2 flor.

Fratri meo Joanni Haustein aulico procuratori et advocato pro suo labore in concipiendis et conscribendis actionibus contra Judeum 8 flor.

Collatis perceptis et expositis restant: 7 flor. 40 cruc.

qui sequenti domino decano cum omnibus ad facultatem pertinentibus sunt traditi.

Et sic foeliciter etiam quintus decanatus beneficio Dei absolutus cui honor et gloria in aeternum. Amen. [fol. 332v]639

[1591/ 1592]

Decanatus hyemalis secundus Andreae Isingii Brigensis Silesii artium phllosophiae ac medicinae doctoris archigymnasii Viennensis professoris publici et xenodochii caesarei physici.