[20. April 1592] Anno 92. mensis Aprilis 20661. die in decanum electus Thomas Haustein archiducissae viduae dominae dominae Mariae ducissae Bavariae etc. medicus in cujus functione ut sequitur acta sunt.

Judeus Wendl cui cum non pridem illustrissimi archiducis Ernesti decreto omnis medicatio aegrorum esset interdicta rursum sua versutia factae inhibitionis relaxationem impetiit qua etiam insolenter fretus ad praxim impune redit atque in praejudicium facultatis indulgentiam a serenissimo datam tamdiu suppressit quoad tum ob horrendissimas et immanissimas impressiones et vastitates turcicas in Croatiam archidux Ernestus ad rei vindicantias avocatus qua occasione Judeus negotium prosequendi et retractandi faultate ademit.

Matheus Pyrringer optimus juvenis et medicinae studiosus praeside clarissimo viro D. D. Georgio Mosbachio juniore Lypsico publicam disputationem foeliciter et docte ad objecta argumenta respondendo peregit mox inde se examini facultatis pro consequenda prima laurea submisit in quo aeque docte ad interrogata praesentium doctorum dominorum respondisset communi omnium clarissimorum doctorum suffragio hac laurea dignus est judicatus quare etiam per me decanum in facie facultatis est creatus et proclamatus.

Joannes Kaskius Silesius artium et philosophiae magister et medicinae baccalaureus662 in arte medica primo publicam celebravit disputationem praeside clarissimo D. D. Anthonio Binello professore primario. Erudite et nervose ad objecta respondit mox praelatis testimoniis auditarum lectionum [fol. 340r] diligentiam et cursum studiorum singulari eruditione testatum reliquit atque ideo pro consequenda ultima dignitate artis medicae ad examen petiit et admissus est. Cum autem tum reverendissimus dominus dominus cancellarius peregre abesset clarissimum virum D. D. Anthonium Binellum rescripto in vicecancellarium663 denominavit cui et praefatus noster candidatus 6. Octobris est praesentatus et puncta examinationis 1° ex aphor. I. sect. 14 2° ex arte parva 31. capitis sunt designata ad quae cum doctissime et ad nutum clarissimorum dominorum doctorum respondisset communi suffragio in doctorem ut creetur est judicatus. Sumptus necessario deponendos sequenti domino decano promisit ac dedit.

Examinati chirurgi: Joachimus Ernst von Otting in der wolzeillen, Wilhem Vetter in Petersdorff, Henricus Hoff von Kembten Balbierer ahn Colnmarckt.

Deposuerunt deponenda et consuetum illis datum testimonium cum adjuncta cohortatione quo defectum in respondendo legende communes practicos chirurgos legant et necessitate urgente familiarem doctorem sibi conjungant.

Theriacae dispensatio:

Ab Anthonio Rowizio civi Viennensi et apotecario in praesentia totius inclytae facultatis 26. die Maii in suis aedibus est instituta juxta tenorem Andromachi senioris et descriptionem ejusdem facultatis ut sequitur conceptam.

Rec. Trochiscorum squilliticorum unc. 30.

Troch. de vipera Hedychroi Piperis

longi Opii thebaici ana unc. 15.

Rosarum rubearum exsiccatarum, Ireos,

Succi liquiritiae, Sem. Buniados seu

Napi dulcis, Oppobalsami aut ejus loco

olei balsami Petri de Ebano, Scordii

nostri, Cinamomi Agarici ana unc. 7. et semis. [fol. 340v]

Myrrae, Croci, Costi, ejus loco Zedoariae et Angelicae aequale pondus, Cassiae ligneae, Nardi indicae, Schenanti, Piperis nigri aut albi, Thuris, Diptami cretici, Rhapontici, Sticados arabicae, Marrubii viridis, Seminis petroselini, Macedonici, Calamenti, Terebentinae de Cypro, Zingiberis ana unc. 3 et drach. 6.

Radicis quinquefolii, Polii montani, Chamaepyteos, Nardi celticae radicis, Ammomi, loco ejus chariophillorum, Storacis granosae odoratae, Mei, Chamedrios, Phu pontici, Terra lemnia, Folium, ejus loco Macis aequale pondus, Chalcitidis, ejus loco Vitrioli albi praeparati, Gentianae, Succi Hypocistidos, Carpobalsami, ejus loco Cubebas, Seminis Anisi, Seseleos Massiliensis veri, Cardamomi, Foeniculi, Thlaspi, Acaciae, Hippericonis ana unc. 2 et senis.

Ammios, [fol. 341r] Sagapeni, Aristologiae rotundae Castori, Bituminis vel Naphtae, Seminis dauci creticae, Oppopanacis, Centaurei, Galbani ana unc. 1 drach. 2.

Mellis optimi despumati libras unc. 61 et unc. 8.664

Vini Malvatici unc. 31 quo dissolvuntur ea quae sunt dissolvenda.

Misce fac fiat secundum artem. Compositio comprobata tum temporis decano et D. D. Diomede Cornario, Thoma Haustein seniore, Benedicto Pergero, Matheo Judice, Anthonio Binello professore primario, Andrea Isingio professore, Georgio Mosbachio, Joanne Petro Magno professore, Joanne Leandro.

Magistratus Novae Civitatis in Austria a facultate literis petitoriis pro examine apotecariorum et taxa instituenda clarissimum D. D. Diomedem Cornarium visitatorem mittendum impetravit a facultate similiter Antonium Rowitzium et Wolffgangum Grysaeum pharmacopolas et cives Viennenses665.

A venerabili consistorio ad facultatem sunt missa duo decreta primum ejus sententiae ut qui proprias domos civicae jurisdictionis habeat tempore excubiarum certam personam pro agendo mittat.

Secundum urgentem frumentariam rem ut prospiciatur. [fol. 341v]

Percepta:

A praecedente spectabili decano viro clarissimo D. D. Andrea Isingio ladulam facultatia cum sceptro et reliquis conpertinentibus in pecunia 5 flor.

A clarissimo D. D. Cornario 5 flor.,

a Mathia Piringer baccalaureo medicinae 4 flor.,

a balneatoribus examinatis 9 flor.

Summa: 23 flor.

Exposita:

Pedello suum consuetum salarium 2 flor. 20 cruc.

Cuilibet doctori quorum tum erant capaces octo numeravi 12 solidos facit 12 flor. 30 cruc.

Facit summa: 14 flor. 20 cruc.

Residuum cum praecedentibus ad facultatem pertinentibus nempe 8 flor. 40 cruc. et ladulam sequenti domino decano tradidi.

Laus Deo. [fol. 342r]666

[1592/ 1593]

Acta decanatus quinti hyberni Diomedes Cornarii medicinae doctoris illustrissimi principis Maximiliani archiducis Austriae electi regis Poloniae etc. et personae et aulae medici.