[17. Dezember 1664] I. congregatio 17. Decembris. 10. Decembris missum fuit a regimine decretum ut informaremus 1 ° utrum morbi qui ilo tempore grassabant essent contagiosi 2^do quibus mediis iisdem succurri possit.

Responsum fuit esse febrem malignam et contagiosam ex vitioso humorum apparatu ortam non tantum contagiosam ad distans mediante nimirum aere sed tantum per contactum cum dispositis qui impura habent corpora inordinate vivunt et cum similibus conversantur. Praeservationem in eo consistere ut pura habeant corpora ordinate vivant ex simili morbo laborantes non accedant et si ab aliis contagium accepisse sibi imaginantur statim alexipharmacum adhibeant. Acta D. Joannis Guilielmi Mannagettae sunt lecta et approbata. [fol. 324v] Eodem tempore Tarquinius Roma Neapolitanus petit sibi concedi publice facere unam probam sui electuarii orphietani. Igitur sumendo prius XVII. granis arsenici albi crystallini pulverisati in vino exhibiti. Verum cum in ipso dolo fuisset deprehensus ideoque merito testimonium cum sigillo facultatis ipsi fuit denegatum.