Universitätsarchiv Wien, UAW Cod. Med 1.5 AFM 1605-1676
[29. Dezember 1664] Dominationes vestrae a nobis sub die 15. Mai et 18. Augusti anno dudum lapsi 1662 requisitae Guil. Zollickhoffer qui ab uxore sua de impotentia arguitur bina vice inspexerunt ac eundem litteris suis responsoriis semper potentem ac nullum in eo sese defectum depraehendere utraque vice asseruerunt. Huic tamen judicio actrix acquiescere non vult et contendit adhuc instanter eum impotentem esse prout ex ejus libelo nobis porrecto sub A in copia apposito videre eat rogatque ut tertia inspectio concedatur.
In cujus petitionem ex causis sub A allatis ac aliis rationibus ex jure nos moventibus consensimus dominationes vestras peramice requirentes quatenus ocularem inspectionem juxta artis suae praecepta tertia vice reassumere [fol. 325r] ac nobis firmum suum judicium conclusive referre non graventur. Ex consistorio Viennensi episcopali D. D. V. addicti N. officialis et consistorium episcopale Viennense.
- Acta Facultatis Medicae Universitatis Vindobonensis Vol. 5, Leopold Senfelder, 1910
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
