[18. Februar 1621] IV. congregatio indicta ad 18. Februarii ut P. ad quam praeter pharmacopoeum Mistelbachensem nullus ex convocatis empiricis comparuit qui se medicinam hic unquam exercuisso negavit verum esse se ante paucos dies divendita quam habuerat in Mistelbach officina ob beli afflictiones huc commigrasse sed medicinam factitare id sibi in animo non esse quod manu et ore mihi compromisit.

Berasius admonitiones per scriptum et oretenus per pedellum factas contempsit et huc venire plane recusavit nixus privilegio aulico quod paulo post ab imperatore obtinuit.

Joannes Steinmetz una cum aliis vocatus scriptum famosum carmine elegiaco mihi transmisit quo non solum me (quod facile tolerassem) scabiose perstringit sed totam insuper facultatem impudenter invidiae crimine notat deque longa avorum et cognatorum medicorum serie fassa plusquam thrasonico superciliose gloriatur [fol. 104r] quam injuriam facultati ab homino impudentissimo et sceleribus passim infami illatam minime tolerandam ratus de ea scripto facultatis nomine conquestus sum coram magnifico domino rectore D. Geisler cum falso universitati inscriptus esset qui ei injunxit ut ratione hujus impudentiae publice a me et tota facultate veniam deprecaretur quod et oretenus fecit et scripto elegiaco carmine mihi transmisso quod penes facultate reservatur et in medicina facienda omnimodo abstineret.

D. Scherhäckhl ut supra K. notatum decretum facultati videndum exhibui cujus vigore praetendebat exercere medicinam in urbe. Conclusit facultas id non esso validum quod is hoc non a dominis deputatis provinciae omnibus sed Lutheranis solum vel ab aliquo secretario tantum extorserit. Proin minime concedendum ut Nie medicinam hic faciat quod illi per pedellum intimari curavi. Secundo informationis seu supplicis libelli a me concepti seriem coram facultate perlegi quae cum dominis collegis non dum perpolita et suis absoluta numeris videretur ut hac in parte facultati satisfieret petii ab eadem ut duo ex dominis collegis isque praecipuis mihi adjungerentur qui me in concipienda supplicis libelli formula adjuvarent. Adjuncti sunt magnificus dominus rector et venerabilis senior. Cui rei peragendae utut libenter instituerem ab instituto me revocarant praxeos negotia quorum causa in Moravia per mensem et ultra mihi abesse necesse fuit. Quare D. D. Golereum ceu exdecanum requisivi ut vicedecani interea officio fungeretur. Is scriptum a magnifico rectore D. D. Geisler conceptum eique ut a facultate revideretur traditum ut S. dominis collegis revidendum ut T transmisit. Qui cum varii essent in denominandis illis qui tradituri erant illud imperatori rediens ego ex Moravia operae pretium duxi ut haec ex ordine peragerentur ex tempore congregationem convocare.