Universitätsarchiv Wien, UAW Cod. Med 1.5 AFM 1605-1676
[22. Oktober 1606] XXII. Octobris habita est prima congregatio ad decretum excelsi
regiminis instantis, ut quandoquidem dominus magister sanitatis aegrotaret, alius in
ejus locum sufficeretur. At is offerens facultati supplicem libelum bonam
convalescentiae spem praebens, remansit in suo munere.
Quidam petens licentiam vendendi quandam aquam destilatam adversus contagium ut
dicebat pelentem, a dominis sanitatis commissaris ad facultatem cum scripto
remissus est, quae ei talem denegavit petitionem, ne hac via porta circulatoribus
aperiretur, tum ne pharmacopoeis civilibus obesset.
Joannes Georgius a Buchow Brandeburgus44 per supplicem libelum petit auxilium et
stipendium. Ei facultas Emericanum stipendium pro tunc vacans benigne concessit. [fol.
15r]
Cum excelsum regimen conquereretur, dominos doctores inclyti collegii nostri
indifferenter visitare infectos. Id per scriptum significavi dominis doctoribus, qui
unanimiter decreverunt, ut in posterum, qui tales aegros visitaverint, sese a publicis congressibus et actibus abstineant.
D. D. Joannes Adamus magister sanitatis ex libello supplici petiit a facultate veniam discedendi in patriam, tum potestatem alium surrogandi in magistrum sanitatis. Facultas concessit et ei substitutus est D. D. Lucas Gollerai, qui donec ad reditum ejus vices obiret.
- Acta Facultatis Medicae Universitatis Vindobonensis Vol. 5, Leopold Senfelder, 1910
Notes:
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
