Universitätsarchiv Wien, UAW Cod. Med 1.5 AFM 1605-1676
[12. Dezember 1607] Die 12. Decembris congregatis apud me dominis doctoribus lecta et approbata fuerunt acta decanatus clariss. virorum, D. D. Isaac Pannissod et Tobiae Piripachii.
Auditae quoque fuerunt in eadem congregatione rationes dominorum Emericanae fundationis superintendentum a 1. Julii anni 1605 usque ad 1. Januarii anni 1607. Accepta fuerunt: 178 flor. 32 cruc, exposita: 168 flor. 2 cruc, remanent: 10 flor. 2(?) cruc.
In eadem congregatione conclusum fuit, supplicandum esse excelso regimini, ut chimico cuidam doctorem sese domini comitis a Solz venditanti nomine Guilhemo Pythopaeo, qui sub decanatu excellentiss. D. D. Piripachii, eo quod illicito modo sese in curas passim intruderet et facultatis nostrae dominis doctoribus nefarie detraheret, vigore privilegiorum nostrorum lictoribus abductus fuerat, nuncque Praga reversus privilegium imperatorium, cujus vigore se praxin hic et ubique locorum exercere posse jactitat, per decretum serio injungat, dictum privilegium vel ejus authenticam copiam ipsi regimini exhibeat. Composui ergo libellum supplicem dominisque doctoribus revidendum transmisi, sed quia circumforaneus ile per studiosum quendam privilegi copiam mihi videndam ultro transmisit, traditus
lle libellus non est.
- Acta Facultatis Medicae Universitatis Vindobonensis Vol. 5, Leopold Senfelder, 1910
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
