[25. Oktober 1627] V. congregatio 25. Octobris. Lectum est decretum a consistorio quo injungebatur facultati ut ratione cancelariatus academici literis apostolicis ad cardinalem Cleselium in deputandis procancellariis liberam potestatem habenti se accommodaret. [fol. 141 r]

Lectum est decretum consistori quo monebatur facultas ut si quas haberet contra magistratum civicum querelas et gravamina scripto transmitteret statuisse enim suam majestatem omnes inter universitatem et senatum civicum florentes lites et controversias absque longiori juris processu definire. Cum facultas a consule judice vel senatu in nulla re se sciret gravatum nihil voluit ad hoc decretum respondere. Resignavi decanatum.

Accepta: A priori decanatu 11 flor., a Matthia Müller pharmacopoeo in coerulea officina 12 flor. Ratione D. Claudii a stipendiariis accepi 10 flor. et ab ipsomet 5 flor. Sebastianus Fornfeist provisor ad officinam ursi nigri solvit 6 flor. Sebastianus Pesl balneator 6 flor. D. Häringshausen 6 flor. 45 cruc, D. Claudius pro admissione 45 cruc, D. Mensuratus pro admissione successori meo dedit 45 cruc, Joannes Fezer pharmacopola 12 flor. circumforaneus quidam Lindenthaler pro licentia aquam vitae auream vendendi 1 flor. 30 cruc. Christophorus a Sutphen 12 imperiales sunt: 18 flor. Summa: 89 flor. 45 cruc.

Exposita: Pro 8 personis ad carcerem deducendis singulis 24 cruc. facit 3 flor. 12 cruc. pro sententiis contra Agyrtos obtentis cujuslibet scriptione 16 cruc. facit 1 flor. 12 cruc. universitatis notario aureum facit 2 flor. 45 cruc. [fol. 141v] In festo sanctorum Cosmae et Damiani 11 flor. 48 cruc. pedello annuum stipendium 8 flor. 30 cruc. eidem 45 cruc. Successori meo 60 flor. 27 cruc. Summa: 88 flor. 39 cruc. restant 1 flor. 6 cruc. Joannes Guilielmus Mannagetta D. m. p.

[1627/1628]

Acta decanatus IX. Sigismundi Geisler phil. et med. Dr., electi 13. Octobris 1627 sub rectoratu domini Michaelis Hoffmanni theol. dr. prothonotarii apostolici et decani Pilerstorffensis.

[18. November 1627] I. congregatio 18. Novembris. Petit Bartholomaeus Schlezer apothecarius apertionem theriacae et Mithridati. Annuit facultas. Propositi sunt duo libeli supplices petentium stipendia. Concessum fuit Mag. Joanni Ther alteri data est expectantia.

[2. Dezember 1627] II. congregatio 2. Decembris. Monendi erant domini doctores ut respectus major quam hactenus inter membra facultatis haberetur et praesertim erga seniores prout olim a venerandis nostris antocessoribus nostris factum fuit observetur neque etiam in posterum sicuti a quibusdam factum fuisse intelectum est secreta quae revelanda non sunt non revolent idque sub poena gravi et mulcta non intermittenda. Quae quidem admonitio ab omnibus reverenter acceptata est.