Universitätsarchiv Wien, UAW Cod. Med 1.5 AFM 1605-1676
[5. August 1605] Opera itaque duorum suae artis magistrorum seniorum quinta
praefati mensis die mihi decano nec non infrasignatis dominis doctoribus examinatoribus praesentatus, cum legere et scribere nosceret, inque uxorem pie defuncti Joannis Pawman, quondam sui magistri chirurgi, derelictam viduam duxisset, adeoque certum suaeque functioni commodum in civitate haberet locum, natalitias licet et disciplinae suae literas pro tempore ad manus non haberet, fidejussoribus tamen ad finem anni hujus pro certo ex patria illi allatas iri datis tribus, nobili videlicet et excellentissimo D. D. Dominico Pisello, duobus itidem barbitonsorum magistris, Wilhelmo Rayger et Huberto N. ad examen admissus et examinatus est. Respondit ad pleraque sat apposite, praestitit juramentum, solvit facultati tres Rhen., pedello suum. Confecit more solito emplastrum oxycroceum et unguentum aegyptiacum. Testimonium examinis, quoad tam nativitatis quam disciplinae suas literas facultati aut mihi saltem decano exhibeat videndas, mecum ut reservem, conclusum fuit.
Examinatores fuerunt D. D. Joannes Petrus Magnus, Dominicus Pisellus, Conradus Collmannus, Joannes Geussius vocatus non comparuit.
September:
- Acta Facultatis Medicae Universitatis Vindobonensis Vol. 5, Leopold Senfelder, 1910
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
