[28. Februar 1637] I. congregatio 28. Februari. Deseruerat Emericanum stipendium

Georgius Fabricius alterum resignaverat Georgius Traub Suevus. Supplicabant

Bernardus Rappi et Mag. Georgius Zweng quorum uterque obtinuit quod petivit.

Supplicarunt duo med. stud. et phil. mag. Adamus Werner et Conradus Greissel

pro disputatione ad gradum baccalaureatus sibi concedenda. Consensit facultas et

approbatas theses sequenti mense disputarunt.

Lectum est excelsi regiminis decretum quo significabatur suam caesaream

majestatem ad gravamina ordinum Austriae statuisse ut pharrnacopolae diligenter

visitati redigerentur ad aequam et justam medicamentorum taxam id qua ratione

fieri posset facultas informationem et votum regimini citra dilationis moram

exhiberet.

Conclusit facultas pharmacopolas prius audiendos esse qui post octiduum coram

deputatis propter incertam debitorum solutionem et auctum simplicium exoticorum

protium crescentia quotannis vectigalia et contributiones definitam

medicamentorum aestimationem sive taxam sibi fore impossibilem asseruerunt.

Haec illorum excusatio pro ulteriori resolutione ad regimen loco informationis cum

voto est transmissa.

Lecta sunt duo consistorii academici decreta quorum priori monebantur facultatis

membra, ut propter obitum Ferdinandi II. imperatoris augusti 15. Februarii hic

pientissime defuncti onmi musica [fol. 168v] abstinerent cujus exequiae in aede S.

Stephani 13. Martii praesente tota universitate fuerunt celebratae; altero ut pro gra-

tulatione Ferdinande III. nuper electo Romano imperatore propediem instituenda

orationes et carmina typis mandanda rectori offerrent.

Significatum est facultati me domino Adamo Olitorio ex nuperrimo meo decanatu

teste illius chirographo 10 flor. Dedisse pro sacerdotibus et musicis in festo

sanctorum Cosmae et Damiani Deo servientibus qui tamen nulam solutionem adepti

pecuniam adhuc quotidie postularent.

Conclusit facultas hos 10 flor. a domina vidua praeterea 12 imperiales quos

propter Linzensis chirurgi examen acceperat exigendos esse. Feci boni viri officium

et 10 flor. a me numeratos repetii et quamvis urserim diligenter vidua tamen

hactenus restituit nihil. Instet igitur ulterius facultas.