[30. Juni 1637] II. congregatio 30. Junii. Supplicaverunt regimini pro magisterio

sanitatis, Thomas Hazoldus et Bemardus Schlüterus. Scripsit facultas regimini ut

D. Bernardum Schlüterum potius quam Hazoldum susciperet ad id munus.

Sed cum nulla pestis grassaretur et unde consuetum solvi posset salarium

ignoraretur susceptus est nullus.

Judeorum querela contra studiosos sibi molestos a dominis intimi consilii deputatis

per regimen et consistorium transmissa cum decreto perlecta est medicinae

¹⁰⁰ Fol. 167v ist leer.

studiosis ut ab ejusmodi insolentis abstinerent.

Sex medicinae studiosi Mag. Udalricus Hess, Mag. Ferdinandus Thomas Rödl, Balthasar Mannagetta, FriedericusVölkelius, Georgius Notzer et Mag. Joannes Adamus Grim petierunt admitti ad disputationem pro gradu baccalaureatus. Consensit facultas.

Balneatores Viennenses ab imperatore non tantum petierunt suorum privilegiorum confirmationem sed etiam urserunt augmentari, quo ilis licitum esset, reliquos in Austria extra Viennam balnea publica cum chirurgia exercentes examinare et approbare. Hujus praejudicii praemonita per me facultas et regimen conclusit non solum antiquorum privilegiorum confirmationem sed etiam extensionem [fol. 169r] contra chirurgos et balneatores urgendam esse quod factum sicuti privilegiorum forma in meliorem et ampliorem ordinem redacta demonstrat. Vixerat hactenus Viennae ex paupertate mendax quidam pseudomedicus Mathias Zeschi, qui se de Sancta Cruce equitem venditabat et beatissimae virginis secretarium, quae illi revelasset cujusdam olei confectionem quo inde oleum gratiae Dei appellabat. Hujus olei virtutes et contra omnes omnino morbos efficaciam longo quodam scripto sive libelo typis mandato in contemptum et irrisum Viennensium medicorum publicare satagebat.

Et quamvis jam ante triennium fere multis meis laboribus uti acta mei proxime antecedentis decanatus docent impeditus fuisset et confusus nihilominus denuo sibi aleam esse jaciendam ratus praeterita jurisdictione universitatis ordinaria ne soli et non episcopo multo minus regimini ex privilegio summorum pontificum competit censura librorum, a regimine cui universitas in rebus temporalibus ecclesiasticam jurisdictionem non concernentibus velut immediato tribunali subjecta est suae fraudis et imposturae approbationem inaudita universitate et facultate medica imprimendi licentiam impetravit; typographo enim decreto injunctum ut libelus cujus titulus erat Thesaurus sanitatis etiam invito rectore vel decano hic Viennae imprimeretur.

Porro libellus cum oleret heretice et superstitionem theologicae facultati commendatus meruit, ut per duos theologos moneretur dominus locumtenens Prainer, hoc negotium ad ecclesiae tribunal pertinere.

Ita factum est ut melius informatum regimen libelum relinqueret facultati theologicae judicandum quae illum condemnavit et sic impressio mendacissimi thesauri et nequissimi olei venditio est impedita.

Exploso hujus hominis privilegio quod a regimine tantum impetraverat et in despectum facultatis publicis templorum valvis angulisque platearum affixerat mihi omni veluti decano inscriptum intimari fecerat successit mox alius cognomine Spira, omnium aliorum medicorum contemptor Venetis proscriptus. Qui licet homicida, fur et sacrilegus templorum depraedator esset, indocto tamen nebuloni tanquam singulari vitae necisque oraculo non deerat magnatum patrocinium quo hominem liberalissime fovebant. Habita [fol. 169v] tandem proscriptionis forma Venetis impressa statuit facultas imperatorem jam in Bohemiam abeuntem hac de re reddere certiorem simul etiam reipublicae Venetae oratorem101 per duos de facultate doctores orare ut assisteret in hoc negotio quod factum. Medicaster enim tripodum nequissimus propter dicta et alia deinde compesta plurima scelera Pragae captus et incarceratus tandem ex universo imperio et omnibus Austriacorum ditionibus est proscriptus.