[26. November 1637] IV. congregatio 26. Novembris. Georgius Adolphus Diering

Silesius pro baccalaureatu petiit examinari quod factum est.

Decanatum resignavi. [fol. 171 r]

Accepta: In proximo meo decanatu remanserunt 80 flor. 16 cruc, a quatuor

baccalaureis 24 flor., a duobus dimidium solventibus 6 flor., ab examinato

mortuorum inspectore 9 flor., ab examinato S. Marci chirurgo 6 flor., ex elocatis

200 flor. annuum censum 10 flor., ratione Diering dedi 6 flor. Summa: 141 flor. 15

cruc.

Exposita: Pro duplici anniversario per D. Rechperger accepi et exposui 15 flor. Pro

privilegiis nostrae facultatis confirmandis et augendis in cancellaria scribis congiarii

velut vocant honorarii loco dedi 5. imperiales, compactori 2. Pro altero novo

privilegio examen omnium per universam Austriam pharmacopoeorum

chirurgorum et balneatorum concernens, excepto congiario sive bibali exposui 3

imperiales.102 Item pro ejusdem privilegii copia imprimenda 4 flor. Omnia faciunt:

19 flor. Sed has expensas facultatis aerario lubens ultro remitto.

Pro festo sanctorum Cosmae et Damiani 32 flor. 15 cruc, pedello 9 flor. Summa:

41 flor. 15 cruc.

Restant 100 flor., quibus de peculio meo ad gloriam Dei et honorem sanctorum

facultatis adjeci alios 100 flor.; quos 200 flor. super Erhardi Sax civis Viennensis

domum in vico cantorum prope praeposituram S. Stephani sitam elocavi, qua

patribus Franciscanis vendita 200 flor., ad ejusdem Erhardi [fol. 171v] Sachs

domum in anteriori pistorum vico translatos hoc fine collocavi, ut ex censu illorum ad

festum sanctorum medicorum 27. Septembris citra contributionem collegarum

solenniori musica celebrandum sacerdotes et cantores certam haberent

mercedem. Quod si quispiam portionem a me sanctis Cosmae et Damiano

donatam vel etiam censum inde provenientem in alium aut privatum suum usum

transferre ausus fuerit is in hac vice careat intercessione sanctorum et in futuro

cum Dathan et Abiron aeternas persolvat anathematis poenas.

Plinius 1. 2. c. 7 nat. hist.: Democritus beneficium Deum esse affirmavit. Et duos

tantum credidit Deos beneficium et poenam.

Joannes Guilielmus Mannagetta. [fol. 172r]

[1637/1638]

Acta decanatus II. Leonhardi Mylgiesseri phil. et med. dr. serenissimi archiducis

¹⁰² Die Bestätigung der Privilegien erschien unter dem Datum vom 20. Jänner 1638.

Leopoldi Wilhelmi personae medici electi 26. Novembris 1637 sub rectoratu dominorum Petri Hoffmanni majestatis consiliarii et rei ferrariae per Austriam superiorem supremi praefecti et Georgii Siess, phil. doctorum.

Decanus vix constitutus venit ad me Mag. Bernardus Schlitterus offerens theses de febrium temporibus pro censura. Approbatae sunt.