[28. November 1645] VII. congregatio 28. Novembris. Regiminis decreto mandabatur ut pro magistro sanitatis pharmacopoeo et chirurgo infectorum praeterea inspectore mortuorum conficeretur instructio. Conclusum ut decreto satisfierit.

Denuo monuerat regimen ut fieret certa medicamentorum taxa in peste

necessariorum.

Pharmacopoei ergo certa quaedam composita et praeparata taxarunt quorum

pretium in charta consignatum regimini transmitti voluit facultas.

Mag. Martinus Augustinus Gammaeus jam ante aliquot menses cancelario

praesentatus, petit puncta pro examine. Concessum est.

Mag. Ferdinandus Schwarm post tertium studiorum annum petiit ad disputationem

pro baccalaureatu. Annuerunt omnes.

Mag. Adamus Kirchweger, Joannes Gasparus Zolner et Christophorus Leopoldus

Heffner med. bacc. supplicarunt ad disputationem pro doctoratu admitti.

Qui cum biennium explessent praeterea primus et ultimus legitimae nativitatis

litoras exhibuisset placuit facultati ut disputarent Zolner tamen ante natalium

documenta examinari non posset.

Joannes a Gogenath sub privilegio aulico tonstrinam erexerat et chirurgiam

coeperat exercere. Monita facultas censuit homini serio mandandum ut sese

sisteret facultati alioquin tonstrinam sibi claudendam et chirurgiae praxin

inhibendam sciret. Respondit se propediem decreto facultatis pariturum.

Cum festum sanctorum Cosmae et Damiani perorante Ludovico Zerbino fuisset

celebratum atque ad id ipsum omnes pharmacopoei et chirurgi vocati comparuissent

post biduum consul omnes ad senatus consessum citatos graviter increpavit atque

ne imposterum hoc amplius attentare praesumerent, injunxit.

Certior hujus rei facta facultas vocavit omnes ad congregationem hodiernam et

num privilegiis et legibus ab imperatore praescriptis an vero consulis mandato

parere vellent ex illis quaesivit.

Responderunt se jussibus facultatis parituros dummodo contra consulis vim aut

multam ipsos facultas vellet defendere [fol. 214v] quod illis fuit promissum. Sed

coram regimine hac de re accusatus consul negavit se unquam tale quidpiam

pharmacopolis aut chirurgis prohibuisse.

Statutum est concordibus omnium votis ut ad celebritatem sanctorum Cosmae et

Damiani decanus ex proventibus facultatis quotannis 40 flor. et non plures

exponeret. Quod si majores sumptus faceret non aerario facultatis sed excessum

suo marsupio imputaret.

Gregorius Gelbhaar typographus Viennensis non petita rectoris licentia sed propria

praesumptione ac temeritate ausus fuit imprimere superstitiosos quosdam

characteres quos publice contra pestem domorum portis affigendos copiose et

caro pretio lucri avidissimus123 divendere coeperat. Certior hujus rei factus judicavi

censurae contemptum ad consistorium esse referendum quod hominem protervum

centum nummis imperialibus multavit ut imposterum cautius mercaretur.

Tandem visitatione pharmacopoliorum peracta notatus est unus aut alter error in

officina coerulea, aureo grypho et aethiopo nigro.

Celebrata sunt anniversaria pro defunctis.

Resignavi et denuo confirmatus sum.

Magna praerogativa est, placuisse sapienti.

Jo. Guil. Mannagetta Dr. [fol. 215r]

[1645/1646]

Ein vollständig unleserliches Wort.

Acta decanatus VII. Joannis Guilielmi Mannagettae primarii practicae professoris electi 28. Novembris 1645 sub rectoratu domini Reinoldi a Rungen art. et phil. mag. caesaris consiliarii et in camera aulica secretarii.