[17. September 1648] 17. Septembris rector et consistorium per decretum inhibuit facultati ne Thadaeus Sebastianus Claus ad gradum doctoratus admittatur donec se a criminali accusatione ut decet sufficienter purget.

[1. Oktober 1648] 1. Octobris accepi decretum a regimine cum de facto nullus constitutus sit magister sanitatis qui inspectori assistere eundemque informare possit ut praefatum inspectorem denuo examinemus et an sufficiens sit regimen informemus.

[6. Oktober 1648] 6. Octobris accepi literas a regimine quo mandat ut praeter tres denominatos D. Petrum Mayer Liborium Fleitman et Wenceslaum Mayer cum primus in Italiam profectus sit alter in superiori Austria moretur tertius adhuc non

graduatus sit alios magis aptos pro obeundo officio magisteri sanitatis denominaremus. Respondit facultas priorem brevi rediturum alterum ad citationem compariturum tertium quamvis gradum non habeat exercuisse tamen cum defuncto Gieblero in hac functione praxim ac proinde ob dexteritatem et scientiam facultati notam eundem aptum esse praeterea facultatem denominasse antehac uxoratos quidem sed non prolibus cumulatos doctores Hebertum, Schlitterum, Grafinger et Mittelbach quorum nullus ob salarii incertitudinem hanc functionem adire cogitat neque facultas eos vel alios cogere posse; statuisse etiam facultatem ut deinceps junior vacans stipendium obiret quod regimini placuit et ut interea D. Fleitman citaretur mandavit.