[20. November 1651] 20. Novembris examinatus est tanquam futurus provisor

nosocomi civilis Gerardus Gymnich Coloniensis. Satisfecit et judicatus non tantum

provisoratu dignus sed etiam senatui de optima nota merito commondatus est.

Venerat insuper huc Viennam quidam chirurgus haereticus nomine Joannes

Jacobus Rosemund. Hic ut se doctorem ostenderet adjunxit sibi Laurentium Adami

chirurgum coelibem jam aliquot liberorum a concubina parentem tanquam socium et

mandatorum suorum executorem.

Praeterea praxin hic exercebat quidam studiosus lutheranus nomine Sald et

singularis chirurgi opera circa tempus prandii utebatur cujus praescriptas

remediorum formulas nostri pharmacopoei contra caesareas constitutiones

praeparabant. Hos ut eliminaret regimen informavi et ab eodem petii pessimos

idiotas Vienna exesse mandaret. Decrevit idipsum praetori civico injungendo ut in

hosco practicantes summariter inquireret re juxta facultatis assertionem ita se

habente carceribus non dimitteret.

IV. congregatio. Gasparus Cofer med. stud. ad primam medicinae lauream

consequendam supplicavit et obtinuit.

Maximilianus Raiger Viennensis nuper Patavi promotus med. dr. regimini

supplicaverat pro conferendo sibi magisterio sanitatis. Censuit facultas cum

supplicans sit haereticus nullius ingenii homo regimen vero vigore caesareae

resolutionis velit habere medicum expertum hunc Raigerum ad id officii nullum

habere requisitum aut qualitates magistro sanitatis convenientes.

Praecedenti congregatione Joannes Philippus Haler chirurgus a balneatorum tribu

petierat ut se in numerum balneatorum civilium admitterent. Contra Joannes Beck

balneator penes coeli portas consulis et syndici Viennensis favore confisus instabat

ut famulum suum Balthasarum Hagen filiae suae quae erat vidua demortui

balneatoris sponsum ad examen praesentarent quem etiam mihi adduxerunt citra

moram examinandum et licet Joannes Hainz lintearius balnei possessor contra

dicti Hagen examen protestaretur placuit facultati viduae sponsum examinare qui

satis commode respondit. [fol. 246v]

Tandem legi hujus decanatus acta et resignavi.

Accepta: D. Sigismundi Geisleri piae memoriae fundationis census 20 flor. Census

de 200 flor. 10 flor. Salomon Kunzman balneator Badensis solvit 1 flor. 30 cruc.

Carolus Kösinger pharmacopoeus Crembsensis 1 flor. 30 cruc, Benedictus Mayr

nigri elephantis provisor 3 flor., Balthasar Hagen balneator 3 flor., a praecedenti

decanatu 9 flor. Summa: 48 flor.

Exposita: In festo sanctorum Cosmae et Damiani sacerdotibus et cantoribus 10

flor., pro cathedra locanda 15 cruc, pro collatione juxta statutum 40 flor., pedello 9

flor. Summa: 59 flor. 15 cruc. Debet mihi facultas: 11 flor. 15 cruc. Agentem ratio

ducat non affectus.

Jo. Guil. Mannagetta. [fol. 247r]

[1651/1652]

Acta decanatus X. Joannis Gullielmi Mannagetta primarii practicae medicinae professoris, electi 18. Novembris 1651 sub rectoratu domini Michaelis Wirsing j. u. dr. majestatis in regimine consillarii.