[15. April 1654] II. congregatio 15. Aprilis. Accusavit D. Rödel Cajum Bauman

chirurgum.

Fuit mota quaestio an actiones injuriarum a facultate medica aut an a consistorio

decidi debeant. Conclusum quod primo a facultate si autem actori aut reo non

administrativ justicia libere unamquamque partem ad consistorium posse appellare

et hoc semper antehac observatum fuisse.

Fuerunt citati Vogel chirurgus civicus et Laurentius chirurgus sed propter

responsum tum domini Vogel et ejus advocati cum uterque bone Baccho unctus

esset nihil offecimus. Vogel postea mortuus est et sic has lites propter tonstrinam

finivit.

Tertio quid cum D. Glanz majestatis personae medico faciendum ubi jam

Ratispona cum imperatore descenderit.

Conclusum vota doctorum coligere quod feci. D. Rechperger senior: Totum quod

praetendit U. Glanz praetendit ratione servitii apud imperatorem quod tamen

quamdiu stat haec universitas nunquam facta fuit. Concesso illo hoc tam sublimi

privilegio ut sit in facultate sine repetitione et locum tot aliis medicis tot annis

suum locum per repetitionem laudabiliter acquisitum ac totius universitatis statuto

et tot imperatorum et archiducum confirmatione possessum hic annualis doctor

eripiat nonne omnes imperatorum personae medici hoc ipsum petere poterunt et

quis illis hoc refutare audebit? Ubi imperator in cujus sinu stant privilegia id jusserit

tunc aequum erit ut fiat. [fol. 264r]139