[11. April 1663] Die 11. Aprilis Henricus von Cöln Caji Bauman demortui [fol. 314v]

synergus exempta sui magistri tonstrina petiit examinari. Annuit facultas.

Cum in tribus superioribus facultatibus senior professor ordinarium habeat locum in

consistorio et ego amplius non doceam dom. doct. concluserunt D. de Sorbaith

actu profitentem consistorio esse nominandum consistorialem quod factum.

Cum Andreas Perlachius med. dr. et nostrae facultatis colega fundaverit stipendium

(quod ego 500 flor. capitali auxeram) cum superintendente careret placuit facultati

pro illius administratione D. Diner designare eidemque hujus stipendi curam

demandare.

Mag. Joannes Guilielmus Tillo civis viennensis et approbatus ad nigrum

elephantem pharmacopoli paterni possessor et pharmaceuta satur et pertaesus

laborum pharmaceuticorum primo conquestus est contra Ferdinandum Fezer

officinae pharmaceuticae ad insigne aurei leonis haeredem sibi a collegis in

sessione praepositum cum ile sit civis et centumvir petiit Fezerum a praecedentia

repelendum et sibi postponendum. Decrevit facultas utrumque per commissarios

audiendum. Sed cum Tillo duranto lite pharmacopolium vendidisset nihil amplius

movit.

Veronica Stainerin senior obstetrix curn morbosa vixisset Rosinam Jaumanin suam

ante quadriennium discipulam a facultate ad examen admissam esse contra

protestabatur placuit nihil respondere sed supplicantem examinare.

Cum dom. Mag. Bonanus 400 flor. a facultate ex fundatione D. Sigismundi Geisleri

pro hypotheca suae domus inutuo concreditos haberet et in solvendo moras

necteret placuit facultati hujus mutui restitutionem repetere. Facta igitur resignatione

coactus est capitale deponere una cum expensis 320 flor.