[30. April 1663] II. congregatio 30. Aprilis dom. Laurentius Wolfstrigelius Viennensis

Austriacus Patavii promotus dr. med. ad gremium facultatis recipi postulavit.

Cum authoritate caesarea promotio careret maluit supplementum defectus a

facultate potius quam ab aula repetere ideoque postquam facultati [fol. 315r] in

omnibus satisfecisset requisitis ad actum repetitionis est admissus.

Cum pharmacopoei Viennenses officinam suam vendituri medicamenta usualia ante

compositionem non curarent a dom. doct. revideri et approbari sed pleraque in

magna quantitate praesertim praetiosa conficerent occasione dom. Tilo cujus pixides

ferme manes jam ob creditorum instantiam divendere cogitans citra simplicium

revisionem et approbationem coepit vasa vacua replere. Visum est facultati per

decretum omnibus pharmacopoeis hoc factum serio inhibere.

Margareta Zaunerin tribus tantum annis didicerat artem obstetricandi nihilominus ad

examen artis flagitabat admitti. Responsum si a sua instructrice praesentata fuerit

et si satisfecerit approbandam. Respondit ad votum et testimonium accepit.

Circumforaneus quidam theriacam in foro conficiebat et una cum alis medicamentis

in suburbio divendebat. Rogatus judex hominem ad carceres duci fecit. Sequenti die

praestito juramento se hinc abiturum dimissus est.

Dom. Bartholomaeus Schlezer senator ut S. Marci superintendens jussu

magistratus civici praesentavit Georgium Völckel e Palatinatu superiore pro

infirmis ad S. Marcum qui antea Monachii apud S. Josephum lue gallica

laborantibus inserviverat. Respondit satis commode.

Statuit facultas ut quilibet decanus a quolibet pharmacopoeo chirurgo

balneatoribus ante testimonium exigeret reversoriales quales hactenus a chirurgis

dabantur.

Lectum est imperatoris decretum ut prima venalis officina Theodoro Buttelio

pharmacopoei caesarei adjuncto pro aequa et justa medicamentorum taxa

venderetur. In hunc finem placuit facultati venalem nigri elephantis officinam

Buttellio designare monita hac de re Ulrichin vidua et aureae coronae domina ne

vendibilem nigri elephantis officinam alteri divenderet sed Buttellio cederet et suam

aureae coronae apothecam retineret. [fol. 315v] Ordinati etiam duo pharmacopolae

Mülerus senior et Gymnicus ut post confectam omnium medicamentorum vasorum

et instrumentorum aequissimam taxam conscriberent ut hac ratione decreto

caesareo satisfieret quod etiam factum.

Joannes Ferdinandus Scultetus supplicat pro stipendio Bittenfelsiano et obtinuit 30.

Aprilis 1663.

Supplicavit Petrus du Blessis Gallus chir. stud. ut ante susceptum a statibus

Moraviae stipendium examinaretur. Consensit facultas intuitu commendationis ab

excel. generali Souches et dom. de Sorbait. Testimonio munitus Brunam discessit.

III. congregatio. Decreto regiminis monetur facultas ut vigente jam bello Turcico

nominaret pro laesis militibus certos medicos pharmacopoeos et chirurgos qui

vocati convenientibus medicamentis et in castris et in nosocomiis miseris militibus

solatium curationis adhiberent. Transmissus est decreti tenor ad pharmacopoeos

et chirurgos eorum responsum una cum medicorum catalogo ad regimen

remissum est.

Dom. D. Schönaich qui de salario 300 imperiales anticipato accepit et cum Mülleri

pharmacopolio ad castra est profectus.

Cum D. D. Plöchinger conductus sanitatis magister ob non solutum periculosae

functionis stipendium media fere necaretur et multo tempore lecto affixus officio

praeesse non posse ne oborta contagione civitas medico infectorum careret etiam

sanitatis magistrum sibi nominari mandavit proposuit facultas D. Resch a

Thermopolitanis conductum. Displicuit regimini boni ac docti viri aetas minor et

alium sibi proponi jussit. Respondit facultas D. Resch in curandis morbis malignis

bene versatum reliquorum nullum nec posse nec velle hoc officium suscipere. Si

tamen alium vellent D. Logam conductum a dom. deputatis medicum in Stockerau

nos designare qui tamen nisi de salarii solutione certus conditionem provincialem

non deseret unquam. Territus [fol. 316r] enim exemplo et paupertate

antecessorum nollet fame perire.

Nec regimen ultra aliud movit.

Mathiae Mülleri pharmacopoei ad officinam coeruleam piae memoriae vidua

facultati praesentavit provisorem qui cum jam pridem in decanatu domini Christiani

Rechpergeri fuisset examinatus et approbatus a me in officinam actu futurus

provisor est installatus.

Cum ob imminentem Turcarum exercitum omnes timerent Viennensis civitatis

obsidionem jussu sacrae caesareae majestatis omnes studiosos usui armorum

aptos publico programmate citavit ut nomina sua militiae inscriberent non

comparentes semper exclusi essent nunquam ad matriculam universitatis

recipiendi quae tamen imperatoris mens nunquam fuit sed vivae vocis oraculo dixit

hoc non esset universitatem conservare sed studiosos perdere. Plerique nomina

dederunt plures abierunt nec opus fuit studiosos ad arma compellere.

Fuerat jam praecedenti anno examinatus juvenis quidam chirurgus Joannes

Casparus Püchelmair non ita pridem e tyrocinio artis dimissus qui Thermipoli

tonstrinam erexerat sed cum plane rudis esset inventus repulsus est ab exercitio

artis ut eam melius addisceret et cum pelves uti magister exponeret jussus est illas non proponere. Cum tamen noctumus Badensium vigil de antiquo capitis dolore conquerebatur praesumpsit hujus doloris curam in se recipere et promittere. Vocatis igitur aliquot senatus testibus trepano curam instituit. Sed cum in ipso actu perterebrationis trepanum frangeretur vocatus est faber qui forcipe trepanum una cum parte cranii evulsit unde patiens periit.

Audaculus tanquam re bene gesta denuo examen subire voluit et sub hoc decanatu non se chirurgum sed Badensium chymicum scripsit ac testimonium exantlati examinis postulavit. Quod antequam expediretur militiae nomen dedit et discessit.

IV. congregatio. Joannes Carolus Habersack et Leopoldus Hederer ambo jam pertriennium med. stud. flagitabant sibi assignari materiam pro thesibus pro gradubaccalaureatus disputandis. Annuit facultas.

Guilielmus de Vette Hollandus art. pharm. stud. ac sicolus150 qui se expertum chymicum asserebat dom. deputatis provinciae supplicabat pro pharmacopolae stipendio [fol. 316v] ad S. Hippolytum. Ab istis missus ad examen facultatis parum scire visus remissus est cum informatione attamen confisus de stipendio pharmacopolium ibidem emit et uxorem duxit sed ob debita per medium annum incarceratus tandem Passavium discessit.

In hujus idiotae locum successit in examen Franciscus Damer Graecensis Styrus qui examinatus et approbatus dom. deputatis pro stipendio est commendatus. Pro subeundo examine supplicavit etiam Joannes Pilas Belga archiducis Leopoldi Guilielmi chirurgus cubicularius qui cum satisfecit inter chirurgos Viennenses meruit approbari.

Mandavit regimen per decretum ut tres doctores seniores Jacobum Schön natione Moravum qui se novum Israelem et prophetam a Deo missum asserebat sed ob haeresin plebi communicatam jam ultra quadriennium una cum aliis in carcere detinebatur examinarent ac dijudicarent an vere stultus vel ex melancholico affectu deliraret. Deputati sunt D. Wechtler Ludwig et Czaschelius qui una mecum hominem diu acriterque examinantes multis verissimis indiciis deprehendimus hominem esse penitus blasphemum utpote qui novum testamentum una cum baptismo contemneret Christum dominum beatam Virginem et sanctos omnes apostolos sibi a Deo in flammis infernalibus monstratos et alia multa impia. Sacram scripturam insuper et prophetias de Christo sibi per nefandam interpretationem applicabat et de se factas asserebat. Judicamus igitur blasphemum hominem optimae memoriae non delirum sed impie blasphemum esse. D. Plöchinger instabat supplici libello facultati ut ob non solutum stipendium apud regimen intercederet. Consenserunt omnes et quamvis multis rationibus urgeretur solutio tamen ad cameram aulicam recurrendum esse responderunt et ab illa urgendam esse solutionem.

V. congregatio. Daniel Müler aethiopis pharmaceuta volens theriacae et Mithridatiiconfectionem dispensare rogabat ut facultas consentiret et cum opobalsamumgenuinum vix haberi possit in ejus et aliorum locum substituenda [fol. 317r] sibideterminaret. Responsum ubi supplicans facultatem convenienti titulo ac debitisverbis compellaverit habiturum responsum.

Michael Henricus Danneberger jam ante annos 10 examinatus pro balneatore petiit se in possessionem balnei ad S. Dorotheam immitti. Responsum ut hac de re cum rev. Dom. praelato et possessoribus conveniret.

Eadem ratione Godefridus Dauscha pharmacopoeus Neostadiensis petiit se ad emendam coeruleam officinam a morte Matthiae Mülleri vendibilem admitti. Responsum ubi supplicans cum vidua et pupilli tutoribus de pretio transegerit et in

¹⁵⁰ Wohl verschrieben für dyscolus = morosus.

possessionem immissus fuerit facultatem etiam fore contentam.

Dom. Joannes Jacobus Branz med. dr. olim hic studiosus pro consequendis

nostrae facultatis privilegiis supplicabat. Annuit facultas sed supplicans distulit

repetitionem.

Accepta: Des Elia Sachsen Satz 200 flor., destwegen dass Interesse 120 flor.,

Interesse von Mag. Bonanno 3 flor., a D. Wolfstrigl 55 flor., a D. Greiselio 3 flor., a

duobus baccalaureis 18 flor., a tribus chirurgus 18 flor., a duobus pharmacopoeis

6 flor., a duobus obstetricibus 6 flor. Summa: 483 flor.

Expensa: Dom. D. Manicor advocato et pro expensis 26 flor. 48 cruc. Pedello salarii

restantiam 3 flor. et hujus anni 9 flor., curatis 1 flor. 80 cruc, musicis 7 flor. 30

cruc, pro panibus butiratis 8 flor. 38 cruc, pro vino hispanico 24 flor. 45 cruc,

pedello 12 flor. Successori in parata pecunia 400 flor., pro collatione juxta statutum

40 flor. Summa: 530 flor. 3 cruc. Debet mihi facultas 47 flor.

Joannes Guilielmus Mannagetta. [fol. 318r]151

[1663/1664]

Acta decanatus I. Francisci Ganser phil. et med. dr. electi 29. Novembris 1663 sub rectoratu domini Friedend Griener j. u. dr. et regiminis consiliarii.