[9. November 1683] V. congregatio die 9. Novembris. [fol. 42v] Per decretum denuo petunt consiliarii intimi et deputati caesarei a facultati informari, quae sit proprietas morborum malignorum modemo tempore passim grassantium, an non sint pestilentiales aut ipsa pestis dicendi, quae methodus hos medendi inter practicos observetur, qua tandem via bis sit obviandum ad praecavenda graviora mala. Informatio in scripto data fuit inter caetera etiam insinuanda, plurimum interesse, ut civitas a sordibus in obsidione accumulatis bene expurgetur. Secundo, ut uillites infirmi, potior horum morborum causa et fomes hinc relegentur et non alii infirmi quotidie adducentur. Tertio, ut liber commeatus victualium per privatas etiam personas non impediatur et sic causa detur, quod plerique ex defectu victus salubrioris cibis pravioribus voscantur et inde infirmentur.

In pharmacopolio ad insigne aethiopis inventura facta fuit absque eo quod commissarii ex facultate ad hanc postulati sint, sicut alias fieri consuevit. Huic interfuerunt dom. Zorn, Bonz et Metzger pharmacopoei. Jussu itaque facultatis per decretum pharmaceutico collegio inhibitum fuit, ut ab hac inventura desistant et deinceps nulli alteri intersint sine commissariis facultatis.