[2. Dezember 1687] V. congregatio die. 2. Decembris. Proposui, quod chirurgi ab aula caesarea privilegiati ob certam aliquam proterviam et litem quam ratione praecedentiae habent cum chirurgis civicis jam ab aliquot annis, licet saepius et modo iterum recenter moniti in festo corporis Christi et Ss. Cosmae et Damiani non compareant, ad quod tenentur vigore juramenti, excusantes se per hoc quod aulae mareschallus nullatenus ipsis concessum dedit, ut in ullo actu publico chirurgis civicis cedant. Cum vero per hanc illorum arrogantiam Dei et sanctorum cultus spernatur et juramentum [fol. 67v] hac super re facultati praestitum annihiletur, ipsique quasi perjuri fiant, conclusit facultas, ut si alio modo ad obedientiam compelli non possint, res ad imperatorem tanquam ad supremum judicem decernenda deferatur.

Accepta: Ab antecessore 484 flor. 31 cruc., a pharmacopoeo ad auream coronam 60 flor., a 3 repetentibus 18 flor., pro sessione 9 flor., a 2 pharmacopoeis 6 flor., a 6 balneatoribus et lithotomo 15 flor., a 4 obstetricibus 12 flor., a 5 discipulis obstetricum 7 flor. 30 cruc., a 2 med. bacc. 1 flor. 30 cruc.

Summa: 613 flor. 31 cruc. [fol. 68r]

Expensa: Pro confectionibus saccharatis 48 flor., pro vino hispanico 12 flor., pro pane butyraceo 3 flor., pro subministratis utensilibus 5 flor. 30 cruc., pedello 9 flor., curatis 1 flor. 30 cruc., capellae magistro pro musica 10 flor., pauperi cuidam medico Coloniensi viaticum 3 flor., pro conficiendis scriptis 6 flor., aurifabro pro reparandis clausuris argenteis novi nostri protocolli 7 flor.

Summa: 105 flor. 45 cruc. Restant: 507 flor. 46 cruc., ego vero tradidi: 508 flor. 31 cruc.

Per aspera ad astra., Joannes Jacobus Stumpff dr. med. regiaeque maj. consiliarius et personae medicus. [fol. 69r]9

[1687/ 88]

Acta decanatus Francisci Stockhamer phil. et med. dr., theoriae medicae professoris, electi die 5. Decembris 1687 sub rectoratu domini Michaelis Zwick j. u. dr. et regiminis consiliarii.