[1. Dezember 1688] VI. congregatio 1. Decembris. Chirurgorum ab aula privilegiatorum semper irrequietior coetus, paritatem instituens a pharmacopoeis et in quibusdam suorum privilegiorum allegatis textibus, fundatus petiit admitti pro examinatoribus in examinibus chirurgorum, uti in examinibus suorum clientum admittuntur pharmacopoei. Sed ob longam consuetudinem, qua non admittuntur, responsum est negative.

Stipendia quaedam vacantia studiosis quibusdam collata sunt uti Philippo Traundorffer. [fol. 72r]

Examina: Joannes Sigismundus Spönlein chirurgus in Lazaretho die 10. Maii, Jacobus Carison chirurgus 22. Junii, Nicolaus Soveher balneator in Enzersdorff 12. Julii, Jacobus Hirschnak de dentibus effrigendis examinatus, Christophorus Burgstaller chirurgus in Brugg jam veteranus practicus circa finem Septembris, pharmaceuticus provisor in Mistelbach nomine Heinrich circa finem Maii, Maria Jacobina Stänglin obstetrix 6. Octobris, Joannes Waizinger balneator in Stammersdorff debuisset cum alio balneatore in Nussdorff eadem die [fol. 72v] et hora non tantum constituto sed et annuente ac promittente non tamen comparente examinari hinc solus examinatus est 9. Octobris. Christophorus Hillebrandt pro Neostadiensi pharmacopoea, dom. Staudiglin, Georgius Gaichmayr balneator in domo exempta Starembergiana, Franciscus Carolus Maurer 6. Novembris, Christophorus Binwitska 20. Novembris. Joannes de Amour chirurgus Gallicus magna ut haec natio solet arrogantia in examine comparuit. Cum vero pessime responderet, rejectus est, jura tamen ex commiseratione ipsi restituta.

Acta extra congregationes: Pharmacopolia et materialistarum officinae consueto tempore visitatae sunt.

Medicastri expulsi ac in ordinem coacti.

Mandatum quoque a regimine, ut taxam materiae medicae promiscendis vulgo materialistis conficiat facultas. Cum vero eorum merces continuo varient in pretio pro rerum ac locorum unde portantur circumstantiis, remonstratum est regimini constantem taxam [fol. 73r] fieri ipsis non posse.

Studio medico hoc anno initiati sunt: Carolus Wolffgangus Lebzelter Austriacus Kirchdorffensis, Joannes Philippus Traudendorffer de Traundorff Austriacus, Joannes Stephanus Zannuti Italus Goritiensis, Henricus Theodorus Hensen Monasterio-Westphalus, Andreas Bernardus Panenza Moravus Brunensis, Joannes Georgius Winckler Carinthus Millestadiensis.

Accepta: Ab antecessore 508 flor. 31 cruc., ex mulcta materialistarum, cujus alias medietas ad decanum devolvitur, integram tamen pro acceptis reforo 100 flor., a pharmacopoea ad auream [fol. 73v] coronam a dom. Ponz tutore pupillorum 60 flor., a 13 examinibus 39 flor., pro 3 sessionibus 9 flor., ex inscriptione 3 obstetricum 4 flor. 30 cruc. Cum in visitatione ad auream coronam duo collegae invitati abessent, illorum jura ad facultatem delegata sunt 6 flor. Summa: 727 flor. 1 cruc.

Expensae: Pro saccharatis 66 flor. 30 cruc., pedello pro utensilibus 6 flor, 35 cruc., curatis 1 flor. 30 cruc., ministrantibus 45 cruc., tibicinibus 24 flor., pro musica 15 flor., pro impressione orationis 6 flor., pro compactione 7 flor. 45 cruc., pedello 9 flor., salarium advocati una cum expensis 19 flor. 21 cruc. Summa: 156 flor. 26 cruc. Restant: 570 flor. 35 cruc. An non abhorreas opus, cujus inchoatio invidia, continuatio est labor finis est odium? Seneca in epistolis. [fol. 75r]

[1688/ 89]

Acta decanatus III. Wolfgangi Plöckner phil. et med. dr., statuum inferioris Austriae protomedici, facultatis senitoris, electi 1. Decembris 1688 sub rectoratu domini Joannis Jacobi Stumpff phil. et med. dr. etc.