[13. September 1679] Die 13. Septembris examinatus fuit Joannes Spiegel provisor ad nigrum ursura, postea peste extinctus.

Äccepi varia decreta a regimine ratione constituendorum medicorum sanitatis inspectorum, item ratione obstetricum, ratione chirurgorum aulicorum, varia alia ratione commissionum, quibus in regimine et consilio intimo interesse debui.

Notandum hic, quod, cum a principio mihi non daretur sessio, deberemque ad fatigationem usque coram illis stare. Impatientia victus, alta voce protestari coactus sum, nempe quod non starem ibi vel ut actor vel ut reus sed tanquam supremus in sanitatis negotio judex, adeoque quod si mihi imposterum debitam sessionem negaturi essent, me amplius non compariturum sed ad aulam iturum et servitio meo invigilaturum! Communicatis itaque consiliis et perspecta petitionis meae aequitate mihi sessio quam solenissime fuit concessa.

Circa hoc tempus in summo vigore fuit pestis incendium.