Universitätsarchiv Wien, UAW Cod. Med 1.7 AFM 1677-1709
[7. Jänner 1682] II. congregatio 7. Januarii 1682. Dom. Philippe Pfon assignatum pro examine punctum nempe aphor. 19. sect. I. ex arte parva Galeni signa pulmonis frigidi.
Alterum negotium concemebat quinque medicinae doctores, nempe Joannem Baptistam Alpruni, Joannem Petrum Bachmayr, Joannem Gabrielem Gallermayr, Franciscum Jacobum Wilderer et Hubertum van der Haiden, quorum unusquisque officium magistri sanitatis, quod per mortem D. Resch novissime factam vacabat, sibi a regimine conferri supplicabat. Facultas D. Gallermayr reliquis praetulit et regimini commendavit, partim quia talentis et meritis suis non minus reliquis videbatur partim quia defuncti D. Rostman secundarii sanitatis magistri factus ante plurimos menses successor majus jus ad obtinendum primum magistri sanitatis officium habere praesumebatur. Denique ut etiam D. D. Ganser plurimum de facultate nostra meriti, qui pro hoc suo cognato D. Gallermayr intercedebat, competens haberetur ratio.
- Acta Facultatis Medicae Universitatis Vindobonensis Vol. 6, Leopold Senfelder, 1912
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
