[16. August 1721]

Congregatio Undecima 16. Augusti [1721]

Praesentibus Perill: Mag: Spect: et Exc: DD: Lebzeltern, Faber, Loigg, Freundt, Weber.

1o Lectum fuit decretum a venerabili Consistorio Universitatis missum, Beatificationem D: Joannis Nepomuceni concernens.

2o Comparuit Maria Magdalena Pezin vidua, et Franciscus Wilhelmus Weisbach ex priori matrimonio filius, nec non Magdalena Koppin ancilla; prima ait: quod defunctus modo maritus Pez quatuor circiter diebus conquestus fuerit circa oppressionem ventriculi, proin requisiverit balneatorem Knol habitantem in Spittelberg, ad aureum manum penes album Gallum pro consilio, qui tincturam ipsi dederat, et pulvisculum pro vomitu porrigebat, hic pulvisrepetitos vomitus rubentes et sedes procuraverat dicitque maritum difficulter respirasse, huncque balneatorem Knol sapius tam huic quam priori marito pharmaca attulisse; filius defert, quodsi ex enteratione (uti attestatio chyrurgica monstrat) hepar insto maius et schirrosum deprehensum fuerit, cumarenosa et calculosa inibi Substatia; ancilla superius narrata confirmat.

3o Accusatus et iam actu in custodia Universitatis incarceratus scripturae, Jacobus Knol balneator uxoratus unam habens prolem ignarus lecturae et scripturae, in Tyroli apud Ladulam in Maron susceptus est, et in Cums ibidem didicit, fatetur se comparuisse qua vocatum in patiente nec tussim, nec aestum febrilem observasse, proin se medicamentum dedisse ab ipso nec confectum, imo ipsi ignotum, cum adiverit pharmacopolium Pfallerianum, et ibi petierit simpliciter medicamentum, quod unum vel alterum vomitum procuraret, hoc patiens in pulvere sumpsit, quod autem eo vesperi mortuus fuerit, unde factum? penitus ignorat dicit: se etiam priori marito, et aliquis ad ipsum recurrentibus, si quid dandum indicavit, semper id ex praedicto pharmacopolio accepisse. Proin missum est ad Pharmacopeoum,Pfaller, qualem nam huic idiotae medicinam dederint? is scripto reposuit: quod amanuensis ipsius illa die balneatori Knol tartari emetici granatria dederit. his ita pensitatis vidua et filio proponebatur questio: Cum medicamentum fuerit ordinarum, nec quidquam ad mortem contribuerit, quid nam praetendant? ad iteratam hanc questionem iterato responderunt: se nihil praetendere. quocirca ijs discedentibus balneator convenienti correc= fol.432v

rectione, et interdicto praxeos exceptus est, et cum nullatenus criminalis sit, sed pure ob illicitam praxin casus medicus, statuit Facultas, ut trium septimanarum carceribus puniatur, quae poena facta deprecatione ad octiduum limitata est.