[16. August 1721]

Die 16 Augusti [1721] erat privata congregatio in domo universitatis. Praesentibus P. M. Sp. et Exc. DD. a Lebzeltern, Faber, Loigg, Freundt et Weber .

Comparuit Maria Magdalena Pezin vidua, et Franciscus Wilhelmus Weisbach ex priori matrimonio filius, nec non Magdalena Koppin ancilla. Prima ait, quod defunctus modo maritus Pez quatuor ciciter diebus conquestus fuerit, circa oppressionem ventriculi. Proin requisiverit balneatorem Knol habitantem in Spittelberg ad auream manum penes album gallum pro consilio, qui {remedium?} ipsi dederat, et {?} pro vomitu porrigebat, qui {?} repetitos vomitus rubentes et sedes procuraverat, dicitque maritum difficulter respirasse, et saepius hunc balneatorem Knol tam huic, quam priori marito dedisse medicamenta. Filius defert, quod in exertatione (uti attestatio chyrurgica monstrat) hepar iusto maius et schirrosum deprehensum fuerit, cum arenosa et calculosa inibi substantia. Ancilla superius enarrata confirmat.

Accusatus et iam actu in custodia universitatis incarceratus Jacobus Knol balneator uxoratus unam habens prolem, ignarus lecturae et scripturae in Tyroli in ladula Maron susceptus et in Cums ibidem didicit, fatetur, se qua vocatum comparuisse, in patiente nec tussim nec aestum observasse, proin medicamentum dedisse, a se non confectum, imo ipsi ignotum, cum adiverit pharmacopolium ad Aquilam, et ibi petierit simpliciter medicamentum quod unum vel alterum vomitum procuraret, hoc patiens assumpsit, quod autem vesperi post mortuus fuerit, unde hoc factum, penitus ignorat, dicit se etiam priori marito, et alijs ad ipsum recurrentibus, si quid dandum iudicavit, semper id [fol.12v] ex praedicto pharmacopolio accepisse. Proin missum est ad pharmacopoeum Pfaller, qualem nam huic idiotae medicinam dederint? Is scripto reposuit, quod servus seu amanuensis ipsius balneatori Knol illa die { ? Emet: #ij} dederit. His ita pensitatis viduae et filio proponebatur quaestio: Cum medicamentum fuerit ordinarium, nec quidquam ad mortem contribuerit, quidnam praetendant? Ad iteratam hanc questionem iterato {reposuerunt}, se nihil praetendere. Quocirca ijs discedentibus balneator convenienti correctione et interdicto praxeos exceptus est. Et cum nullatenus criminalis, sed pure ob illicitam praxim casus sit medicus, statuit facultas ut trium septimanarum carceribus puniatur, quae poena facta deprecatione ad octiduum limitata est. [fol.13r]31