[21. April 1725]

Congregatio 5ta privata habita 21 Aprilis [1725]

Praesentibus P: M: Sp: et Exc: DD: Lebzelter Sen. Loigg, Pock, Habersach, Freundt, Rauch, Guarin, Sylverius.

1: Submisit Praetorium Viennense Catharinam Franckin ex capite attentati infanticidij, an sanae mentis sit, nec non ? et inventa est laborare affectione hypochondriaca inveterata (qua licet ad S: Marcum ex adhibita cura aliquantum meliorata fuerit, attamen in integrium curari non potuit) et argueretur 1: Ex constitutione corporis atiobiliaria, 2do Ex Praegressa lue venera, cuius stigmata etiamnum conspiciuntur, per quam succi omnes depravati fuerunt, 3tio ex miseria vita, 4to ex meticulositate inducta per varia animi pathemata ubi iam longo tempore antea sibi nec fidebat cultum portare, ne vel sibi vel alijs violentas manus inferret, et cum similes raptus per periodos redire soleant, quemadmodum in hac deliquente factum, dum se iam antea aquis mergere, et strangulare voluerit, hinc omni modo prospiciendum est, ut a solitaria vita abstrahatur. Conclusum patiter, cum D: Praetor requisitoriales dixerit ad Venerabile Consistorium Universitatis, quod dein hanc inquisitionem Facultati quasi iniunxit, tam diu nec Praetorio, minus Universitati [fol.471v]

esse respondendum, donec D: Praetor usitata formula Facultatem Inclytam requisierit, ubi ergo has technas (quas Praetorium Viennense in delusionem Inclytae facultatis substernere, et taliter debitam reverentiam adimere eidem Facultati voluit)elusas vidit, perlibenter 9.Maij litteras compassus ad Inclytam Facultatem dedit de hoc casu, a qua etiam, pro Justitiae acceleratione mox superius memoratum parere Medicum consecutum est:

2: Maria Magdalena Loidolderin obstetrix supplicat pro admissione suae adiutricis ad examen, quam iam ultra 3.annos discere, et ultra 300 proles suscepisse testatur, cumque adeo nervosum testimonium P: et M: Domini Fack Caesarei ProtoMedici attulerit, concessa fuit ad aestatem haec examinis gratia, sed sine consequentia.

3: Elisabetha Kalserin rogat inscribi ad Justina Christin unam ex Senioribus, et Anna Elisabetha Walnerin iam ante tres annos ad modo defunctam Parin inscripta rogat pro speciali gratia inscribi ad Annam Mariam Eckerin,conclusum: fiat.

4: Data iam elapso anno rationes fundationis Sorbaithianae et Bdnerianae consignatae sunt DD: Censoribus pro examine.