[12. Jänner 1722]

Die 12 Januarii 1722 congregatio publica praesentibus P. M. Sp. et Exc. DD. Fack , Lebzelter, Blömer, Zebriach, Pock sen., Widman, Pensa, Maderer, Wallich, Caraffa, Müller, Freundt, Rauch, Guarin, Focky jun., Paminger, Jans, Dolles, Sylverius, Dam, Myeting, Rutgers, Chrisman, Plöckner, Anderler, Salzgeber, Reichel

1^mo Martinus Schram, Lusata, supplicat pro stipendio Emericano, item Franciscus Josephus Gulasch, Silesita, pro Emericano et Joannes Petrus Fried, Rheno – Moguntinus, pro stipendio Stumpfiano. Decisum, DD. superintendentibus proparere

2^o Anna Maria Aichmüllerin supplicat, quatenus liceret sibi praesentare filiam pro inscribenda sua filia ut adiutrice, et cum sit ex numero seniorum, annuit facultas.

3^o Maria Magdalena Susanna Strickerin adiutrix supplicat in scribi ad Catharinam Fischerin obstetricem ad St. Marcum, sed cum copiosa ibi sit praxis supplicat inscribi pro triennio. Conclusum, supplicantem esse simpliciter inscribendam, cum annexo, quod si post triennium specimina dederit, facultatem posse, sed sine consequentia, eam examinare.

4^o Paulus Ebner operator sollicitat examen. Conclusum, fiat praestitis praestandis et inseratur testimonio, quod tantum in nundinis maioribus hic esse possit.

5^o DD. censores sollicitant duos commissarios, qui cum Domina de Deimbl conferant circa fundationem Emericanam, et resoluti {est} DD. Freundt et Rauch

6^o D. Greneck J. U. Dr. et pandectarum professor publicus sollicitat consilium medicum, in casu partus disputati quoad legitimationem. Conclusum, casum esse exactius delineandum, et omnibus circum mittendo pro consilio communicandum.

7^o Conclusum, (cum pharmacopoeae vidua in Stockerau Francisca Smidin iam per annum teneat provisorem non examinatum) eidem esse decretum mittendum, ut se curet praesentari ad examen.

8^va Lecta sunt statuta inclytae facultatis. [fol.23v]53