[12. September 1733]

Die 12. Septembris [1733] habita fuit congregatio plenaria praesentibus P. ac M. D. rectore, Freyndt, Guarin, Focky, Sylveri, Weber, Vogl, Pfundtheller, Zwenhoff, Mannagetta, Haider, Weygant, Sittar, Kestler, Proski, Knitlmair, Hirsch, Dietman, Rauch, Pesnegger, Steindl, Henschl, Knoblach.

1^moProponebatur relatio Sp. D. a Mannebach superintendentis Emericani circa competentes ad dictam fundationem, quae non solum concernebat studiosos, sed etiam famulas# noviter nuptas, hinc circa priores conclusum fuit, ut elargiatur stipendium praecedens facultatis resolutum 40 fl. et quidem primo loco Exc. D. Dr. Henschl, dein studioso Resl, Vits# Knering, et Unger, quibus usque ad novum annum omnibus poterit satisfieri ratione famularum autem aliam realtionem circa novum annum, uti consuetum erat, porrigendam habebit.

2^doSupplicavit Maria Eva Feiglin adjutrix apud Annam Mariam Wolfin et Anna Maria Viertlerin adjutrix apud obstetricem Viertlin pro admissione ad examen, et ambae retulerunt repulsam.[fol.119v]

3^tioCum ad facultatem delatus fuerit per excelsum regimen libellus supplex aulae datus Exc. D. Dr. Petri Rudigeri Gellhard, medicinae doctoris, vi cuius petijt admissionem ad repetitionem, pro informatione. Conclusum, ut relatio fiat in favorem.

4^toRelectae fuerunt litterae compassuales de consistorio Passaviensi pro facienda inspectione corporis Francisci Perger, molitoris in Absperg, ab uxore Theresia delati in puncto impotentiae, in quo dein nullus defectus membrorum genitalium nec externus nec internus fuit inventus, et cum maritus sub principio matrimonij bis coctum tentaverit, quem perficere propter uxoris renitentiam perquivit, eam odio habere incepit, et ab illo tempore copulam non amplius tentavit. Conclusum, propterea quod impotentia ista tantum proveniat ex odio inter conjuges.

5^toSupplicarunt quidam D. Exc. doctorum ex facultate, quatenus illegitime practicantibus praxis interciperetur mediantibus repetitis visitaionibus per commissarios a facultate denominatos institutis pharmacopoliorum, e quibus praescripta sine privilegio recipe desumenda et Sp. D. decano apportanda forent, ut dein contra pharmacopoeos in ordine vi privilegiorum procedi possit, approbatum fuit a facultate inclyta denominando sex juniores ultimos pro commissarijs.