[6. Juni 1736]

Congregatio sexta habita 6. Junij [1736] praesentibus P. M. Sp. Cl. ac Exc. viribus de Webern, Pensa, Habersack, Freund, Paminger, Bucamps, Vogl, Scholz, Zwenhoff, Mannagetta, Fezer, Haider, Weigant, Sichler, Proski, Knittlmayr, Hirsch, Steindl, Diettman, Hentschl, Knoblach, Schram, Plencius, Engl.

Ab illo tempore, quo in priori congregatione carcero# Caroli Bukitsch confirmata fuerat, impostor hic augustissimae imperatrici regnanti supplicem libellum porrexerat, quo inter multas falacias privilegium aulicum impetraret. Transmiserat mihi sexta Maij P. et M. D. de Garelli caesareus protomedicus mane Laxenburgo memoriale hoc iniunxeratque mihi, ut de vera rei historia eundem quam citissime certiorem redderem, cum ipsemet Laxenburgum me contulissem et cum me assecurasset quod augustissimae protectione gavisurus# non sit reversus omnia feci quae facultas in priori congregatione concluserat. (fol.158r)

2^do Proposui, quod cum Barbara Kienin obstetrix Mariam Annam Phillipekin ante decennium iam ad defunctam Seikhertin obstericem pro adiutrice inscriptam, et iam a quinquennio apud Annam Mariam Feilmayrin pariter obstetricem absque licentia facultatis commorantem accusaverit, quod obstetricis admissae non tamen praxim exerceat, sed me# supplicantis nomine fraudulenter parturientibus assisterat, citatae et correptaein##cetum fuerit, ut examen habeat, secus et magistra et praxi abstineat

3^tio Christophorus Retter chyrurgus petit determinationem sostri contra quendam Hoffman ab Ankerskron, cui cum sub assistentia Exc. D. Dr. Schram per multum tempus et in varijs morbis chyrurgica manu adstitisset et medicamenta ipsi adhibita ad 40 fl., medici poniae visitationes ad 10 fl. aestimatae fuisset, adiudicavit ipsi comissio quorum tamen summa medici visitationes solventes.

4^to Chyrurgo civico Josepho Helzel pro suis in Carolo Hirtbig# periculose se ipsum in guttare vulnerante habitis laboribus, et quidem 63 extra urbem personalibus praestitis visitationibus medicamentis ad 10 fl. reputatis, pro merito sostro 150 fl. adscripti fuere.21

5^to Petit pariter Joannes Josephus Igl, balneator Cclaustroneoburgensis, ratificationem petitae remunerationis, et responsum fuit, quod si allegata authentice demonstraverit, fiat ulteriora resolutio.

6^to Citati fuerunt ad conclusionem facultatis balneatorum civicorum seniores Landwehr et Daucher, et nervose ipsis propositum fuit, ut examinatos priori anno sine praesentatione balneatores Rambschl et Hagg ad gremium reciperent. Qui revocantes se ad privilegia sua incorporationem hanc abnegarunt, quin imo excelsi regiminis resolutionem vulgo Erlaá produxerunt, vi cuius balneatori Rambschl hac vice incor- (fol.158v9 poratio denegata sit, cum tamen ambo hi balnaetores legitime examinati et approbati fuerint, hacque vice per supplicem libellum ad conficienda magisteria admitti rogaverint, annuit ipsis commissio.

Hac occasione dictis senioribus proposui, ut Joannem Adamum Praun, balneatorem a magistratu civico sub clausula subeundi examinis ad bonum S. Margarethae iam susceptum praesentarent, sed cum illi et hanc praesentationem renuerent, absque hac examinatus fuit prout superius sub 28. Maij notatum.22

7^mo Retuli, quod Julianae Wirschin et Elisabethae Heglin, ambabus adiutricibus, ob magistrarum mortem aliae magistrae in gratiam concessae sint.

8^vo Catharina Rosina Wollffin obstetrix petijt ob infirmitatem adiutricem et ipsi denegata est.

9^no Praesentavit Adm. Rdus. D. curiae magister metropolitanae ad S. Stephanum ecclesia# Franciscum Josephum Moriz SS. theologiae in tertium annum auditor pro stipendio Stumpfiano, quam praesentationem suscepit, et confirmavit facultas.

10. Proposui me# praelecta fuisse in eandem commissione decreta P. et M. D de Ritter et D. Löw in puncto solvendae intra octiduum industrialis steurae 18. Maij expedita.23

11. Tandem insinuavi, quod supra decretum nostum nuper expeditum P. et M. D. de Ritter, ad absolutionem steurae pro biennis petitae sex aureos tantum ad manos venerabilis consistorij universitatis deposuerit. Porro quod D. Dr. Löw bedello responderit, se ratam suam an manus commissaionis aulicae ex soluturum. Conclusum fuit, ut hac desuper remonstratio fiat ad praetitulatam commissionem aulicam, quod me illico factum est.

12. Joannes Fidler, agyrta Herbipolensis, cum nuperis pentecostalibus nundinis licentiam a me petijsset, ut ophtalmiatrum, herniotomum, lithotomum publice agere (fol.159r) reliquosque celebriores chyrurgicas operationes exercere adeat, nec tamen absolutae suae iuxta regulos diciplinae aut artis exercitae testes adducere voluerat litteras, exercitio hoc illum (ni se honorifico examini in horam onum# defectu subicere velit) interdixi. Cum vero rursus instaret, ac a delicationibus hisce operationibus ad odontatriam deflecteret, hacque desuper indultam imploraret, datam iam ipsi licentiam cum schedulam typis vulgandam abnegassem, in huius carentia deprecutus est et ad excelsum regimen pro impetranda instantibus Divae Margarethae nundinis licentia confugit, addocendo gravamen ex examinis taxa. Petijt proinde hac desuper informationem excelsum regimen, et responsum fuit, quod in defectu authenticarum a quacumque universitate aut alia accademia ad tantae artis exercitium admitti eo minus potuerit, quod hunc inde per discursum tamen# tentatus gravissima ignorantiae suae specimina ediderit, quamobrem me in ultimo petito ipsi connivemdam non esset, quod ad sles# particulares nundinas circumforeneorum horum licentia non extendatur.24