[28. Februar 1737]

Die 28. Februarij examinata est Maria Helena Freyin, adiutrix apud Mariam Antoniam Duslin, obstetricem intra urbem, quae illam praesentavit praesentibus et examinantibus Sp. et Exc. DD. Freundt, Foki, Anderler, Vogl, quibus plenariam dedit satisfactionem, et admissa est ad juramentum. Jura facultatis...3 fl.

Mediante quo examine lectum est primo remissoriale ad excelsum regimen expediendum in puncto Josephi Landes chyrurgi, contra D. de Ehrentall. Conclusum est fiat per D. causidicum. (fol.170v)

2^do Venerunt litterae compassales a praetorio huiate, requirentes inquisitionem in constitutionem corporis cuiusdam in puncto mariticidij carceratae delinquentis Edlsbekin. Hinc acta absentia prius a praetorio per bedellum sunt exigenda5051

3^tio Exc. D. Dr. Nagl, physicus Mellicensis, collega noster, defert ab excelso regimine ad facultatem pro parere decretatam supplicam contra physicos Linzenses, quod ad plenariam congregationem remissum est.

4^to Eleonora Zachin#obstetrix, urget satisfactionem ab agyrta Munck petitam.52 qui vero propter inobedientiam tam in comparitione, quam executione promissi deductus est ad carceres.

Die 8. Aprilis examen sustinuit Severinus Mattern, chyrurgus civcus, qui tonstrinam defuncti chyrurgi Strasser per emptionem sibi contraxit. Disciplinam suam absolvit in Borussia Regij Montis (ubi natus) apud chyrurgum eiusdem loci, Danielem Fridericum Margraft anno 1723 die 1. Octobris. Praesentibus Sp. et Exc. D. Habersack, Bassand, Vogl, Rezer. Praesentantibus ac coexaminatibus duobus chyrurgis civicis senioribus Volrado Bohm et Joanne Adamo Schmid, quibus aliqualem paestitit satisfactionem, huic cum admonitione ulterioris seduli studij admissus est ad juramentum. Magisterium conficiendum ipsi dictatum est emplastrum diaplamae et unguentum Felicis Wrz. Jura facultatis...3 fl.