Nos Gotfridus¹⁾ dei gracia Ecclesie Patauien. Episcopus, Ad perpetuam rei memoriam. Cum pium sit et dignum fore censeatur, vt ea que pro religionis comodo et bono statu personarum sub regulari disciplina degencium forent, a cunctis benigno fauore promoueantur, atque ad sollicitudinem pastoralis officii pertinere dinoscatur, circa talia caute, agi ne pereant, et clementer prouidere ne apud alios dispendium inducant Nuper igitur ad presenciam nostram Reuerendi viri, domini, Hertnidus²⁾ prepositus Pilgrimus³⁾ Decanus, Totumque capitulum sancte Salczburgen. Ecclesie accedentes, nobis humiliter supplicarunt, Vt Ecclesiam sancti Rudberti in Traesenmaur⁴⁾ nostre diocesis nunc vacantem, inque ius patronatus, et censum videlicet Quatuordecim talentorum⁵⁾ denariorum wyennensium, et duorum Modiorum tritici, es Piscis qui Chlobhausen dicitur, habere dinoscuntur ab antiquo Infirmarie ipsorum que ad sustentacionem et procuracionem necessariam Infirmorum ibidem non sufficiebat, incorporare dignaremur vel saltem censum supradictum pro vsibus dicte ipsorum infirmarie, ex causis predictis augeremus, Nos vero facultates Ecclesie predicte in Traesenmawr diligenter ponderantes, ac precauere volentes, ne debitis defraudetur obsequiis ipsam cum omnibus suis fructibus et pertinenciis dicte Infirmarie incorporare noluimus, sed pocius ad ipsorum deuotam instanciam, ex causis racionabilibus et legitimis censum predictum olim de eadem persolutum, deliberacione matura prehabita, ac Venerabilis Capituli nostri Patauiensis accedente consensu, duximus in Viginti talentis denariorum Wyennensium augmentandum vsibus eiusdem Infirmarie et infirmorum in ea degencium applicandum, Volentes et districtius precipientes, vt idem Census per nos denouo auctus, de cetero Annis singulis et perpetuo per Reccorem memorate Ecclesie, qui per predictos dominos nobis presentatus, ac per nos institutus fuerit prefate Infirmarie persoluatur singulis Quatuortemporibus Anni, semper Quinque talenta integraliter persoluendo In solucione vero antiqui census, videlicet Quatuordecim talentorum et duorum modiorum Tritici terminos olim obseruatos et consuetos volumus obseruari Solucionem vero piscis qui dicitur Chlobhausen olim dictis dominis annis singulis porrectum (sic) in alium Piscem, qui volgariter Vaeschhausen appellatur commutamus Quem piscem dictis dominis porrigi volumus tempore ab olim solito et consueto In cuius rei euidens testimonium et Robur perpetuum, presentes ipsis dedimus literas nostri ac capituli nostri predicti Sigillorum appensione communitas, Datum Patauie v^to Kalend. Julii Anno Domini Millesimo. ccc^mo Quadragesimo quinto.

Source Fulltext: DOPPLER