Ich Chunrat von Velben. vnd ich Heinrich, vnd Eberhart von Velben. wir vergehen offenbar mit disem brief. für vns vnd für all vnser Erben. Daz wir mit veraintem mut, durich vnserr, vnserr vadern, vnd aller geloubigen sel willen. daz gut ze Plumperch¹⁾, mit allen den rechten vnd nutzen, di da zv gehörent, wi di gnant sint. willichleich haben gaigent, vnd allev vnserev recht gewen auf dem selben gut, vnserr frawn ze Stvluelden, also daz ez dem Pfarrer da selben, ewichleich schol dienen in di pfrunt. Auch schol der selb Pfarrer vmb daz egnant gut, ewichleich all Chottemper, an dem Pfintztag ein gesungenew Selmezz haben ze Stvluelden auf sand Michels alter, vnd dez selben tags ein gesungen vigili, angevär, vnd an alles verziehen, als der brief sagt, den wir besunderlich dar vber haben, von iem, vnder dez erwirdigen herren Pischolf Chunrat von Chiemsse, vnd auch dez Pfarrer Insideln. Gewen nach Christes purt, dreutzehen hundert Iar, darnach in dem fümfczgisten Iar, an dem Palmtag.

Source Fulltext: DOPPLER