Wir Friedrich von Gots gnadn Römischer Kaise r… bekhennen für vnns vnd vnnser Erben, daz vnns die Ersamen vnd lieb Andechtigen … der Dechant vnd Capitl vnnsers Thumbstiffts zu sannd Stephan zu Wienn demuteylichen haben bitn lassen, nachdem Sie mit kainer anzahl die man nennt Gotszeil Salz Inmassen ander Stifft und Gotshäuser in vnnserm Fürstenthumb Österreich von vns noch vnnsern Vorvordern Fürsten von Österreich versehen wären, daz wir sie damit auch gnediglich zu begaben geruhten Haben wir angesehen der bemelten Dechant vnd Capitl fleissig bete. Auch den löblichen Gotsdienst, So bey dem berürten Stifft täglich verbracht wirdt, des wir dann auch hoffn teilhaftig zu werden vnd haben Ine dadurch vnd von sonndern gnadn aus vnnserm Salczsieden an der Hallstat zu ewigen Zeitten jährlich vier und zwaintzig Fueder Gotszeil Salcz ze geben vnd Ine die zu Gmunden zu anntburten zugesagt vnd verschrieben, Geben vnd verschreiben auch wissentlich mit dem brief. Also daz Ine die inmassen andern Gotshäusern daselbs in Österreich aus vnnsern Ambt zu Gmunden on Abgang geraicht vnd gebn werden sullen. Vnd gebietn darauf vnnserm getreuen liebn Christophen Jörger vnnserm Rate Phleger zu Camer in Attersee vnd Ambtmann in Gmunden oder welch kunfftiglich vnnsern Ambtleut daselbs zu Gmunden sein werden, ernstlich vnd wahr,d ass sy den vorbemelten Dechant vnd Capitl oder Irem Anwald die berürt anzal Salcz jährlich als vorsteet ausrichtn geben vnd von dann als annder die berürt anzal Salcz jährlich als vorsteet ausrichtn gebne vnd von dann als annder Gotszeil Frey Furn lassen vnd Ine damit nicht verziehn noch Sy verhindern, noch des yemands andern zutun in dhain weis vngeverlich das mainen wir ernnstlich mit Vrkhundt des briefs. Geben zu Lyintz am Sambstag sannd Apollonientag nach Christi geburdt vierzehnundert vnd im drei vnd nentzigisten vnd Vnsers Kaiserthumbs im ains vnd viertzigisten vnd vnsere Reich des Römischen in drei vnd vierzigisten vnd des Hungarischen in vier vnd dreissigisten Jaren.“