Alexander Episcopus Servus servorum Dei dilectis filiis Capituli Ecclesiae Vienn. salutem et apostolicam benedictionem. Cum a Nobis petitur, quod justum est et honestum, tam vigor aequitatis, quam ordo exigit rationis, ut id per sollicitudinem officii Nostri ad debituro perducatur effectum. Quapropter dilecti in Domino Filii, vestris justis postulationibus grato concurrentes assensu omnes libertates et immunitates a Pradecessoribus nostris Romanis Pontificibus sive per privilegia vel alia Indulta, vobis et mensae dietae Ecclesiae concessa nee non libertates et exemtiones saecularium exactionum a Regibus et Principibus ac aliis Christi fidelibus vobis et eidem mensae rationabiliter indultas. Specialiter autem decimas, primitias, census, fructus, redditus, jura, jurisdictiones et alia bona ad mensam Capitularem dictae Ecclesiae spectantia, sicuti ea omnia juste et pacifice possidetis, vobis auctoritate Apostolica confirmamus ac praesentis Scripturae patrocinio communimus. Nulli ergo omnino homini liceat hanc paginam nostrae Confirmationis et Communitionis infringer vel ei ausu temerario contraire. Si quis autem hoc attentare praesumpserit, indignationem Omnipotentis Dei ac BB. Petri et Pauli Apostolorum tunc se noverit incursurum. Datum Romae apud s. Petrum anno Incarnationis Dominicae millesimo quadringentesimo nonagesimo nono 18. Aprilis Pont. Nost. anno septimo.