B(onifatius) dei gratia episcopus Lausanensis universis Christi fidelibus, quos presens scriptum videre contigerit, rei geste noticiam cum salute. Que geruntur in tempore, ne labantur cum lapsu temporis, solent lingua testium aut scripti memoria perennari. Noverit igitur universitas vestra quod nos de mandato domini pape Gregorii indulsimus hospitali Sancti Spiritus pauperum de Berne habere cimiterium ad sepeliendos miseros et miseras in eadem domo in ordine secundum regulam viventes et pauperes in eadem domo discedentes et nullos alios salvo per omnia iure Chuniensis ecclesie et parrochialis ecclesie Bernensis quod cimiterium consecravimus ad petitonem burgensium Bernensium considerata necessitate prefate domus. Actum anno gratie  M^o CC^o XXX^o III^o mense Septembris apud Berno.||
(Horst Enzensberger)