C. In nomine sanctae et individue trinitatis. Otto divina favente clementia rex. Omnibus^a) fidelibus nostris presentibus atque futuris notum esse volumus, quomodo nos ob interventum Heinrici Karigentinorum^b) ducis cuidam fideli nostro Rachuuin^c) nominato de nostra proprietate dedimus quindecim mansos regales^d) in villa Razuuai dicta sitos si ibi inveniantur, si autem ibi inveniri non possint, in proximis villis, ubi suppleri valeant tollendos et in pago Zitilinesfeld^e) vocato ac^f) comitatu^g) prefati Rachuuini comitis iacentes atque eosdem quindecim mansos regales cum omnibus utensilibus ad eos rite pertinentibus in areis aedificiis terris cultis^h) et incultis agris pratis campis pascuis silvis venationibus aquis aquarumve decursibus piscationibus molendinis, viis et inviis, exitibus et reditibus, quesitis et inquirendis cuctisqueⁱ⁾ aliis appendiciis, que adhuc dici aliquomodo aut nominari possunt, sibi in proprium dedimus atque tradidimus ea videlicet ratione, ut idem^k) iam dictus Rachuuinus de prefata proprietate sibi a nobis tradita faciendi, quod velit, liberam potestatem dehinc habeat sive eam tradere vel commutare aut vendere seu magis sibi^l) retinere voluerit. Et ut haec nostrae donationis traditio presenti ac futuro tempore firma consistat, hoc nostrae dominationis preceptum inde conscriptum sigilli nostri impressione signare iussimus manuque propria, ut infra videtur, corroboravimus.||
Signum domni Ottonis (MF) gloriosissimi regis. ||
Hildibaldus episcopus et cancellarius vice Uuilligisi archicapellani recognovi. S.^m)||
Data XVIⁿ⁾ kal. novemb., anno dominicie incarnationis DCCCCLXXXV, indict. XIIII, anno autem tertii Ottonis regis secundo^o); actum Etdenestat.

Source Fulltext: Salzburger Urkundenbuch, II. Band, Urkunden von 790 bis 1199. Willibald Hauthaler und Franz Martin. S. 111-112.