C. In nomine sanctae et individuae trinitatis. Heinricus divina favente clementia rex. Si de terrestrium rerum facultatibus nobis divinitus collatis aecclesias dei locupletare sub obtentu futurae remunerationis studuerimus, decurso huius vitae agone bravio^a) indeficienti nos coronari non diffidimus. Quapropter generaliter omnium pateat industriae, qualiter nos interveniente dilecta^b) coniuge nostra Cunigunda videlicet regina quoddam nostri iuris predium Slierbach dictum in comitatu Radpotonis situm, in pago vero Oliupestale^c) Iubensi acclesiae^d), ubi sanctus Rodbertus corporaliter requiescit, pro redemptione animae nostrae dilectaeque coniugis per hoc regale testamentum donando firmamus, cum omnibus appendiciis et utilitatibus eidem predio adiacentibus cum familia utriusque sexus, cum areis aedificiis terris culltis^d) et incultis, viis inviis, exitibus et reditibus, aquis earumve decursibus molendinis piscationibus silvis venationibus pratis pascuis conpascuis sive apium pascuis necnon cum omnibus quae dici vel scribi possunt quoquolibet modo utilitatibus. Precipientes igitur regali auctoritate iubemus, quatinus Iubensis acclesiae^d) venerabilis archiepiscopus^e) Hartuuicus suique successores liberam dehinc habeant potestatem possidendi aedificandi commutandi precaricandi ^d) seu quicquid sibi libeat omni modo ad utilitatem monasterii de eodem predio faciendi. Et ut haec nostrae traditionis auctoritas stabilis et inconvulsa permaneat, hanc cartam inde conscriptam manu propria roborantes sigillique nostri inpressione insigniri iussimus.||
Signum domni Heinrici (MF) regis invictissimi. ||
Eberhardus cancellarius vice Uuilligisi archicapellani recognovi. ||
S.^f)||
Data VII id decembris, indictione III, anno dominicae incarnationis MV, anno vero domni Heinrici secundi regn[antis] V; actum Merseburc; feliciter amen.

Source Fulltext: Salzburger Urkundenbuch, II. Band, Urkunden von 790 bis 1199. Willibald Hauthaler und Franz Martin. S. 121-122.