C. In nomine sanctae et individuae trinitatis. Heinricus divina favente clementia Romanorum imperator augustus. Notum esse volumus omnibus Christi nostrique fidelibus tam futuris quam praesentibus, qualiter nos propter dei amorem et aeternam remunerationem et per interventum contectalis nostrae scilicet Agnetis imperatricis augustae nostrique filii dilectissimi Heinrici quarti regis sanctae Salzburgensi ecclesiae tres regales mansos in loco Gumbrahtdessteiden sitos cum omnibus suis pertinentiis, hoc est areis aedifitiis terris cultis et incultis agris pratis pascuis campis silvis venationibus aquis aquarumque decursibus molis molendinis piscationibus exitibus et reditibus, viis et inviis, quesitis et inquirendis ac cum omni utilitate, quae ullo modo inde provenire potest in proprium dedimus atque tradidimus ea videlicet ratione, ut venerabilis archiepiscopus Baldinc nominatus, cuius peticione hec traditio facta est, cunctique sui successores de eodem predio liberam dehinc potestatem habeant tenendi dandi commutandi praecariandi vel quicquid illis placuerit in usum ecclesie inde faciendi. Et ut haec nostra imperialis traditio stabilis et inconvulsa omni permaneat aevo, hanc cartam inde conscribi manu propria, ub subtus videtur, corroborantes ac sigilli nostri impressione iussimus insigniri.||
Signum domni Heinrici tercii regis invictissimi secundi (MF) Romanorum imperatoris augusti. SMP||
Uuinitherius cancellarius vice Liutboldi archicancellarii et archiepiscopi recognovi. S.^a)||
Data V nonas iulii, anno dominicae incarnationis MLVI, indict. VIIII, anno autem domni Heinrici tercii regis, secundi imperatoris ordinationis XXVIII, regni vero XVIII, imperii X; actum in dei nomine Vvormatiae; feliciter amen.

Source Fulltext: Salzburger Urkundenbuch, II. Band, Urkunden von 790 bis 1199. Willibald Hauthaler und Franz Martin. S. 154-155.