In nomine sancte et individue trinitatis. Notum sit omnibus ecclesie filiis, qualiter sancte Salzburgensis ecclesie venerabilis archiepiscopus Chvnradus optinuit a comite Gebehardo de Burchusen apud eandem urbem Burchusen liberum transitum per Salsam omnibus servis ecclesie sue videlicet tam suis quam clericorum suorum monachorum ac monialium concesso eodem comiti fratris sui defuncti beneficio. Statutum est igitur, ut a nemine predictorum apud prefatam urbem navibus transeuntium aliquid exigatur sive propria sive dominorum suorum bona ferentium. Aliorum autem si quid cum rebus suis ferre voluerint, de ipsis quas non suas ferunt, dabunt constitutum ius predicto comiti. Et ut firma perpetuo maneat et inconvulsa ista constitutio, collaudavit idem comes, ut si aliquid unquam contra hoc fecerit et aliquem supradictorum apud sepe memoratam urbem attrahi fecerit vel factum non correxerit, trium hominum suorum beneficia ecclesiastica perpetuo optineat, in usus archiepiscopi vendicata, qui sunt: Gerunc de Salemanneslite, Gumpolt de Murberch, Babo de Amarangen^a). Horum autem testes sunt: Hiltepoldus episcopus Gurcensis, Romanus capellanus, Heinricus capellanus, comes Bernhardus, Reginbret de Cemegoisdorf,. Meginhardus de Eringen, Adelbero de Bietrammingenb), Engilscalc de Frisach^c), Rudolf de Tunesberch, Wisint de Bongoe et alii quam plures.

Source Fulltext: Salzburger Urkundenbuch, II. Band, Urkunden von 790 bis 1199. Willibald Hauthaler und Franz Martin. S. 225-226.