In nomine sancte, et individue trinitatis Omnium tam presentium quam futurorum noticie tradimus memorieque^a) mandamus laudabile et memorabile factum cuiusdam viri ingenui Adelrammi nomine, qui ob impetrandam delictorum suorum veniam et divine pietatis gratiam de prediorum suorum hereditaria possessione divinis obsequiis destinata ecclesiam honori beate dei genitricis Marie consecratam in loco qui dicitur Uvstriz^b) cum omnibus ad eandem ecclesiam pertinentibus agriculturis videlicet locis silvestribus pascualibus piscalibus vinetis ceterisque^c) quibuslibet humanis aptis usibus principali ecclesie Salzburgensis episcopatus scilicet laudi et honori sancte dei genitricis Marie sancti Petri sanctique Rodberti legitima et probabili delegatione tradidit hac ratione et conditione, ut locus supramemoratus cum omnibus ad ipsum pertinentibus nullis umquam aliis nisi divinis servitiis mancipetur et sub regula beati Augvstini^d) spiritaliter canoniceque^e) in eo vivatur. Porro hanc delegationem et potestativa manu celebratam traditionem presente firmante et stabiliente venerabili Salzburgensi archiepiscopo Conrado^f) astipulantibus^g) quoque honorabilibus episcopis Brixinense Reginberto^h) et Gurcense Romano tali conditione in omnes posterorum successiones sanciriⁱ⁾ petivit, ut si forte succedentium episcoporum aliquis iusticie regulam exorbitans supradictum locum eique attinentia aliis quam destinatis usibus addicere presumpserit hancque huiuscemodi delegationem cassare studuerit, semel et secundo ammonitus et rogatus, si irrevocabili pertinatia processerit quicumque coniunctiori hereditatis propinquitate accedere potuerit, dato nummo aureo super altare prefate Salzburgensis ecclesie de episcopali potestate emancipare et divinis, ut dictum est, obsequiis separare^k) potestatem habeat. Ceterum ad intimandam tam future, quam presenti etati rationabiliter facte rei certitudinem testium qui presentes fuerunt^l) nomina subscripta et annotata sunt: Rodolf de Botenstain,Gotto de Loben, Gotfrit^m) de Wolfgerestorf et frater eius Rodolf, Odalrichⁿ⁾ de Graci, Dietmar^o) de Liethtenstain, Dietmar^o) de Buhalarin, Heinrich, Ludewic^p), Dieprant, Etich, Altman, Rapholt, Wernhart, Gerunc, Tiemo, Raban, Meginfrit, Otto, Laizo, Wolfhere, Liutwalch^q), Heinrich de Buch, Uvilhalm^r), de Cliene, Adelbero de Listach, Altman de Grunebach, Durinc de Brozzat, Suitker de Wallestorf, Perhtolf de Rotengrob, Perhtolt de Tuifenbach^s), Gotescalc de Teirenstaint), Lainfrit de Eppenstain, Ortwin de sancto Petro, Adelbero de Linte, Adelbero dapifer, Wisint de Pinzcowe^u), Meingoz pincerna, Rodolf de Dunesberc, Gundarher de Linde, Megingoz^v). Actum Frisachie anno ab incarnatione domini MCXL, IilI^a id. ian., indictione III^w), regnante Chonrado III.||
S.^x)

Source Fulltext: Salzburger Urkundenbuch, II. Band, Urkunden von 790 bis 1199. Willibald Hauthaler und Franz Martin. S. 290-292.