Eberhardus^a) dei gratia Salzburgensis archiepiscopus. Pacem si fieri potest inter omnes homines cupientes conservari, futurorum noticie credidimus insinuandum, qualiter lis que inter canonicos Salzburgenses maioris ecclesie et Bertham filiam Babonis fuerat super dimidia octava parte, finem tandem acceperit. Contentione siquidem diutius inter ipsos durante novissime pars utraque electis mediatoribus consilio credidit rem terminandam. Mediatores igitur prepositi Odalricus Chiemensis, Heinricus Bertherscadmensis, Wolframmus custos, Gundacher diaconus, Hartmannus monachus, Oddo Ellenze, Chonradus cum barba, Heinricus qui dicebatur iunior definito consilio sic finem statuerunt, ut predicta Bertha adhibita manu Odalrici mariti sui omni causationi super aqua prenotata in manu Hugonis tunc prepositi Salzburgensis penitus abrenunciaverunt et ut idem prepositus ipsam aquam iam dicte Berthe eiusque marito Odalrico usque in finem vite ipsorum excolendam concederet hoc videlicet tenore, ut mediam partem reditus predictis canonicis singulis annis fideliter persolvant, mediam sibi retineant, post finem vero ipsorum ad potestatem prepositi et fratrum eadem aqua penitus libera revertatur quocumque etiam anno definitum servicium fideliter non reddiderint similiter liberam fratres eandem habeant aquam. Quibus rite peractis tracti sunt ab utraque per aurem testes subtus annotati: Chonradus cum barba et filius eius Chonradus, Oddo Ellenze, Heiuricus iunior, Fridericus Switardi filius, Permannus et frater eius Bertholdus, Liutwinus filius Wisentonis, Richolfus, Wolfpero, Engilpoto et frater eius Pertholdus, Sigboto, Heinricus Stempo, Gnanno, Odalricus, Pabo. Hec igitur utriusque partis attestatione ad nos perlata pagine presentis inscriptione annotari et sigili nostri impressione iussinms communiri.||
S.^b)

Source Fulltext: Salzburger Urkundenbuch, II. Band, Urkunden von 790 bis 1199. Willibald Hauthaler und Franz Martin. S. 421-422.