L(udewicus) dei gratia dux Bawarie, comes palatinus Reni, omnibus Christi fidelibus tam futuris quam presentibus perpetuam in domino salutem. Notum esse cupimus omnibus, ad quod presens scriptum pervenerit, quod Albero prepositus et canonici Salzburgenses querimoniam suam nobis obtulerunt super violentia ipsis a nobili viro Hoholdo de Woltmv/otesahe illata in predio ipsorum Walhse, quod beate memorie Cv/onradus et uxor sua Helwigis de^a) Wolfesecke Salzburgensi ecclesie traditione legitima pro remedio anime sue libere contulerunt. Super quo dum partibus diem peremptorium prefixissemus et ille conparuissent, dictus prepositus et canonici ius libere possessionis in prefato predio coram nobis per testes idoneos obtinuerunt. Ad cuius rei confirmationem, ne aliqua in posterum de ipso predio lis^b) habeatur, presentem paginam conscribi et sigillo nostro fecimus insigniri. Huius autem probationis iurati testes hii sunt: Heinricus de Hartschirchen, Marquardus de Bercheim, Wolframmus de Vohendorf et insuper alii testes, in quorum presentia hec facta sunt: dominus Eberhardus Salzburgensis archiepiscopus, ego Ludewicus iudex ipsius cause, Rapoto comes palatinus Bawarie, Eberhardus comes de Dornberch, Cvnradus comes de Moseburc, Sivridus copf, Cv/onradus de Horbarch^c), Cvnradus castellanus Salzburgensis, Marquardus zapfe et frater suus Ecgehardus, Volcholdus, Vlricus Albertus et alii quam plures, qui viderunt et audierunt. ||
S.^d)

Source Fulltext: Salzburger Urkundenbuch, III. Band, Urkunden von 1200 bis 1246. Willibald Hauthaler und Franz Martin. S. 187.