Notum sit omnibus tam futuris quam presentibus, quod serenissimo, domino Friderico Rom(anorum) rege apud Patauiam existente venerunt ad ipsum nuncii Salzburgensis ecclesie, videlicet Albertus custos eiusdem ecclesie et . . prepositus de Wiarn postulantes ex parte eiusdem capituli, ut in predio ipsorum, quod habent in Longo/v, liceret eis forum constituere. Provida igitur dominus rex habita consideratione, ne hoc in preiuditium alicuius ecclesie vel persone contingeret, requisivit a nobis, si hoc sine dispendio comprovincialium illorum fieri posset. De quo cum a nobis plenius certificatus fuisset, inductus precibus nostris aliorumque principum, qui tunc presentes fuerunt, peticioni eorum duxit annuendum liberam ipsis tribuens potestatem, in predicto predio iuxta voluntatem ipsorum et provincie consuetudinem forum constituendi constituens nos ad peticionem eorundem predictorum executorem. Nos igitur auctoritate dicti domini nostri regis damus eis potestatem hec iuxta commodum suum faciendi presentem paginam cum sigillo nostro in testimonium eiusdem facti eis exhibentes. Acta sunt hec in presentia ipsius domini regis et nostri et aliorum, qui subnotati sunt: Ludewici ducis Bawarie, Livpoldi ducis Austrie, Chvnradi Ratisponensis episcopi, Vlrici Pataviensis episcopi, Rapotonis palatini comitis et fratris eius Heinrici comitis, Eginonis comitis de Ura, Bertoldi comitis de Graifespach, Diepoldi^a) marchionis de Voheburch, Kadelhohi comitis de Kirchperch, Chvnradus^b) de Horbach, Gebehart comes de Hirzperch, Meinhart comes comes^b) de Rotenekke, Heinricus Tolnzenâre, Otto de Rore et frater eius, Otto de Werde, Chvnradus de Werde, Heinricus de Steine, Heinricus de Nîphe,^c) V/olricus comes de Velburch, Chvnradus comes de Wazzerburch. Acta sunt hec anno ab incarnatione domini M°CC°XVII, XVII kal. iulii, ap(ud) Patav., indict. V.||
S.^d)

Source Fulltext: Salzburger Urkundenbuch, III. Band, Urkunden von 1200 bis 1246. Willibald Hauthaler und Franz Martin. S. 222-223.