Charter: Salzburg, Domkapitel (831-1802) AUR 1224 IX 05
Signature: AUR 1224 IX 05
Add bookmark
Edit charter (old editor)
5. September 1224, Salzburg
Eb Eberhard II. entscheidet den Streit zwischen dem Pfarrer von Radstadt (Rastat) (Altenmarkt) und dem Domkapitel um den (Pongauer) Tauern (Thur) zugunsten des letzteren, indem er dem Pfarrer ewiges Schweigen auferlegt und dem Domkapitel den Berg von der Tauernhöhe bis Untertauern zuspricht, und verfügt, dass der Pfarrer gegen 12 Pfennig sein eigenes Vieh im Sommer weiden lassen darf und, falls er bei der Kapelle Obertauern einen Priester oder Schüler einsetzen will, er die Hofstätte und den Garten vom Domkapitel nehmen muss.Source Regest: Salzburger Urkundenbuch, III. Band, Urkunden von 1200 bis 1246. Willibald Hauthaler und Franz Martin. S. 322.
Current repository:
HHStA Wien AUR (http://www.oesta.gv.at)
HHStA Wien AUR (http://www.oesta.gv.at)
1 SiegelNotarius Description: 191Dimensions: 17.7 : 31.4
Kop.-B. d. Domkap. f. 6 (D).
+ ++ Eberhardus ++ dei gratia Salzburgensis archiepiscopus, apostolice sedis legatus, omnibus in Christo fidelibus in perpetuum. Ea, que coram nobis sopita sunt, ne in dubium posteris deveniant, scripto curavimus perpetue memorie commendare. Quapropter cum super causa, que vertitur inter plebanum de Rastat ex una parte et capitulum Salzburgense ex altera parte super monte, qui dicitur Thu/or, coram diversis hincinde iudicibus tum ex delegatione nostra tum ex delegatione apostolica agitata fuisset, novissime coram nobis utraque parte comparente plebanus asseruit, eundem montem a summitate montis eiusdem, in qua capella fundata est, usque in pedem montis contra Rastat ad se pertinere, quod pars altera omnino negavit asserens se eandem partem montis iure proprietario diutissime possedisse. Et cum super hoc coram nobis aliquantulum altercatum fuisset, de consilio circumastantium utraque pars eadem causa vice iuramenti in manibus nostris fide data in nos compromisit arbitrio nostro omnino subiciendo. Nos vero deliberatione habita, quia constitit nobis capitulum Salzburgense in plena possessione semper extitisse, predictum capitulum ab impetionea) plebani sententiabiliter per arbitrium absolvimus eidem plebano perpetuum silentium imponentes, quod predicto plebano omnino placuit et consensum adhibuit, statuentes, quod predictus mons a vertice ipsius usque ad pedem eiusdem ad rivulum, qui preterfluit inter montem et Thu/orowe, ad capitulum pleno et proprietario iure pertineat, et si plebanus in eodem monte armenta sua propria non conducta tempore estatis, ut pascantur, habere voluerit, in signum proprietatis predicto capitulo XIIcim denarios usualis monete persolvat, similiter si sacerdotem vel scolarem iuxta capellam in vertice montis collocare voluerit, aream et ortum de capitulo recipiat. Acta sunt hec anno ab incarnatione domini M°CC°XXIIII°, indictione XIIa. Testes huius rei sunt: Ru/odegerus Chymensis episcopus, Hermannus prepositus Werndensis, Wernherus prepositus de Solio, Otto capellanus eiusdem prepositi de Grimerthingen, Arnoldus plebanus de Mo/vssekyrchen.||
Data apud Salzburch, nonas septembris, pontificatus vero nostri anno vicesimo quarto.||
S.b)
Data apud Salzburch, nonas septembris, pontificatus vero nostri anno vicesimo quarto.||
S.b)
Source Fulltext: Salzburger Urkundenbuch, III. Band, Urkunden von 1200 bis 1246. Willibald Hauthaler und Franz Martin. S. 322-323.
Original dating clause: Data apud Salzburch, nonas septembris, pontificatus vero nostri anno vicesimo quarto
Editions:
- SUB III 0794
Language:
Notes:
a) A statt impetitione. b) an Perg.-Streifen Siegel 1.
Places
- Salzburg
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
){kind=link}
){kind=link}