Eberhardus dei gratia Salzburgensis archiepiscopus, a(postolice) s(edis) l(egatus), imperpetuum. Notum esse volumus, quod, cum nos et capitulum nostrum de quadam ap(ud) Glanhouen silva litigaremus ad invicem, nos tandem precibus eorum devicti liti cessimus ius et proprietatem, quam in eadem silva habuimus, usibus eorum perpetuo assignantes, recepta tamen ab eis quadam silvula in superiori parte foresti nostri, que ad ipsos pertinebat in recopensationem^a). Ut hec ergo nostra donatio stabilis imperpetuum et firma permaneat, sigilli nostri munimine eam roborare curavimus. Huius rei testes sunt: Rudegerus Chymensis episcopus, Wernherus prepositus de Solio, Chunradus de Muldorf plebanus, Chuno de Gutrat, Otto de Khungesperch, Gerhochus de Matse, Libhardus de Tegrenwanch, Ortolfus de Gehai, Wolfgangus de Chymkwe, Wezelo de Glan. Acta sunt hec anno incarnationis domini M°CC°XX°IIII°, indict. XII^a, pontificatus nostri anno XX°IIII°, VI° idus augusti.||
S.^b)

Source Fulltext: Salzburger Urkundenbuch, III. Band, Urkunden von 1200 bis 1246. Willibald Hauthaler und Franz Martin. S. 321.